تمت دعوتي لحضور افتتاح مطعم لاسالاد غورميه في الافنيوز (سوق الذهب) المطعم متخصص بالسلطات و المأكولات الصحيه
وصلت شوي متأخر وكان وااايد زحمه ماشاء الله
فخذيت جم صوره ومشيت وان شاء الله اجربه قريب واكتب تقرير عنه
مطعم عداني
اليوم غدانا كان من مطعم كويتي يديد اسمه عداني
طبعا اول شي سألتهم عسى ما فيه دهن عداني ؟! لأني ما احبه كلش الله يزيد النعمه
المهم الحمدلله طلع بس اسم ما يستخدمون العداني
اليوم وصلنا الغدا حار ماشاء الله وشغل عدل
مربين عداني ومعاه الدقوس ونوعين معابيج
ومرقة كاري
وعيش بنفسجي عجييييب فوقه دياي مفتفت
حده حده طيب
وعندهم بعد خوش مطبق يمدحونه
قائمة اسعارهم
For Order : 51515146 – 51515187
Instagram @Adani_Restaurant
سهرة ذكريات
مع اني متابعه اكثر من جيدة لكل شي قديم لكن اول مره اشوف هالسهره !!
اهي تضيق الخلق لكن اندمجت فيها
وحسيت لازم اشاركم اكتشافي الفني باليوتيوب وتشوفون معاي سهرة ذكريات 🙂
بطولة : حياة الفهد – مريم الصالح – جاسم النبهان وسحر حسين
Special day with Floral Picnic
قبل اسبوعين سوينا طلعنا بكشته حلوه ويمعه تينن في حديقة جمال عبدالناصر في الروضه
كان الاتفاق مع فلورال بيكنك انه يوفرون لي خيمتهم من الظهر لي المغرب
وصلت وكانوا على وشك انهم يخلصون كانت بنوته حبوبه اهي اللي تسوي كل الشغل وتسنع المكان ياحلوها
حبيت كل التفاصيل بالمكان واحلى شي انها ورديه 🙂
حتى البلانكيت موفرتهم مع انه ذاك اليوم كان شوي حر والشمس بدعت فينا 😛
حبيت انها حاطه طاوله علشان الماجله ههههه كشته يعني لازم بلعه
وحان وقت الغداء
وانترست الطاوله من فضل الله وخيره
مموش ومشويات ومعكرونيه واسباغيتي وورق عنب ومعجنات 🙂
والنحله حبت يكون بينا وبينها عيش وملح فطبت بالقنچه 😛
وعقب الغدا صبينا لنا جويهه سنعه
وشيوخ بدعت يايبه چولتها معاها وسوت لنا القهوه الزينه
وختمناها مع كيكة خاصه للعيد الوطني مسويتها لنا صديقتي نوره
تشوق ما شاء الله
العلم مضبوط 🙂
شكرا فلورال بيكنك استانسنا وايد بخيمتكم النازكه وشغلكم الحلو وعسى الله يوفقكم يارب
Tel : 60614775
Instagram @Floral_Picnic
YEPREM latest collection
تصاميم رائعه ومبتكره من المجوهرات من دار المجوهرات الارمنيه المشهوره ييبرم
I Love it ♥
Link
Hadil Design
ساعات الواحد لي انعزم على استقبال ولاده ولا تجهيز لولاده وحده قريبه يحتار شياخذ
مره عربانه ومره دراي او بدله لكن حلو الواحد يغير ويختار شي مسوينه مخصوص للبيبي
هديل ديزاين يسوون باكيج خاص للبيبي وحتى حق الام يكون نفس الشي وعليه اسم البيبي وبالالوان اللي تبينها
الاوفر اول مع الصدريه والكبوس والمهاد ومخده وكنبل وتيشيرت حق الام على حسب طلبج ميزانيتج
حبيت وايد شغلها على فطومه بنت صديقتي
وشكرا وايد ماما بريق على التصوير :*
For Order (WhatsApp) : 67778901
Instagram @Hadil_design