امس واحنا نتمشى في الچي بي آر ندور مطعم نتغدى فيه لقينا هالمطعم وطبعا بما ان ولد اختي مدريدي فكان غصب علينا نتغدى فيه
المطعم صارله اسبوعين من فتح وليلحين ماسووا له افتتاح رسمي
مكون من طابقين وقعده بره حلوه اضافه الى متجر يبيع ملابس رياضيه مثل الشورتات والتيشيرتات والكور الخاصه بالنادي

الطابق الاول

وهذا المحل

نظام الاكل طبعا اسباني فالمنيو محدد مافيه خيارات كثيره

طلباتنا كانت من المقبلات
ربيان اقترحه علينا الويتر بس مو ذاك الزود

كروكيت دياي هم عادي

وطلبنا برجر لحم وبرجر دياي
الساندويتش ترفه ولذيذه بس اللحم والدياي عردين ماينوكلون 🙁

باختصار تجربة الاكل ماكانت موفقه وكان خاطرنا نجرب الچوروز بس خفنا يكون مو زود
جربوا الحلو والقهوه وان شاء الله يطلع احسن من الاطباق الرئيسيه
Real Madrid Cafe is located in The Beach, Jumeirah Beach Residence (JBR), Dubai