صارلي تقريباً 9 او 8 سنين مو داخلة مسرح

هالعيد الاهل اغلبهم مسافرين ماكو احد وضيقة خلق اقترحت اختي نروح نحجز مسرحية بيت المرحوم علشان فيها حسن حسني

وبما ان صج ملل وملينا من المولات قلنا يالله نجرب حظنا ان لقينا تذاكر بآخر لحظة دشيـنا

بصراحه حتى ال 7 دنانير تحسفت عليهم

المسرحية بايخه والقصة مكررة والممثلين مالهم دور الا انتصار والمسلم وحسني

اما مهندس الصوت اللي يايبينه يستحق تصفيق حار على شغلة العجيب الصوت مقطع ما نسمع شي و كلش الصوت مو واضح

حتى العجيمي علق على هالشي بخروجه عن النص طبعا هذا اذا اكو نص اصلاً

والرؤية كلش مو واضحه يعني بس نشوف زول يتمخطر لووول

يعني لا ارى ولا اسمع وفوق هذا كله حــر

والمنظمين مو فالحين الا يحطون الليت على الويهه اذا شافوا ليت موبايل مفتوح ! كله في بالهم نصور! انا هالصورة الوحيده اللي صورتها علشان البلوق ولقيت واحد فوق راسي !! ضيــم لوول

اللي سويته اني فتحت ال بي بي ام وقعدت اسولف مع رفيجاتي

ما افكر ادخل مسرح مرة ثانية الا بعد 10 سنين

لعل وعسى التكنولوجيا توصل مسارحنا