اغلب روحاتنا للبحرين لازم نحجز فيه فندق الشيراتون مسأله تعود
نحس نرتاح فيه سبحان الله
ماراح احط لكم او بوست عن الفندق لانه قديم وغني عن التعريف
لكن زيارتي للحمام سباحه التابع للفندق اول مره فبكتب عنها
حمام السباحه صاير مدخله من جهة النادي الصحي
الحمام راهي كبير ونظيف والحمدلله الفتره اللي رحنالها ماكان فيه ناس وايد يعني خذينا راحتنا
وطبعا سألناهم اذا عادي ننزل بالمايوه الاسلامي وقالولنا طبعا عادي
السؤال ليش ؟ لانه في فنادق ترفض هالشي تقول ملابسكم طويله او وسيعه !!! تخلف طالما الخام مايوه خلاص المفروض القبول لانه معروف الاقطان والخامات الثانيه مو زينه لمكينه الحمام سباحه
ماي الحمام نظيف جدا ومهتمين بالمكان ومن الصبح اشوفهم يغسلون ويسنعونه
من الاشياء الضروريه اللي لازم اخذها للبحر او حمام السباحه الووتر بروف كيس علشان استخدم التلفون والكاميرا بالماي
تحصلونه في ڤيرج او محلات الموبايلات
حمامٍ جانا مسيان ولا سلم عليا 😛
عندهم خوش جاكوزي ماي حاااار
وممنوع دخول الاطفال بس الكبار
فطومه طلبت ميلك شيك فراوله
ذاب من كثر ماصورناه ههههه
بنانا سبليت
Lipstick & Blusher Battery Charger
ڤيرجن من الاماكن اللي اعشق اني اتمشى واتسوق فيها
احب طريقة عرضهم ونوع البضايع والفناتق اللي اييبونها
مع الاسف سكروا المحل بالكويت 🙁
في البحرين مريت ڤيرجن سيتي سنتر ومن الاشياء اللي شدتني من اول دخولي كان شاحن على حمره وبلاشر يشوووووق صج بناتي بحت وشكله عجيب
طبعا على طول نفس الليله شحناه حق اليوم الثاني والصبح نزلناه ويانا حمام السباحه وصج مفيد
نفس حاله اي شاحن اضافي اخر لكن بشكل كيوووت ذرب
شرايكم 🙂
Burberry’s Personalized Blanket Shawls
مريت اليوم بيربري في ٣٦٠ مول اسأل عن الشال اللي تقدرين تحطين عليه احرف خاصه واذا بدوا ياخذون طلبات عليه
قالولي بعد يومين يبدون اخذ الاوردرات وبيكون سعره ٥٠٠وشوي ومع طلب الاحرف يزيد بمايقارب ٧٠ دك
الشال موجود حاليا في بوتيكات بيربري
PinkGirLQ8 Maki Roll at Sakura
قبل سنه وشوي كنت معزومه على مطعم ساكورا الياباني وخلوني اسوي طبق سوشي خاص بمقادير اختارها وثبتوا الطبق في منيو خاص للبلوقرز – اضغط هنا
اليوم كنا ب٣٦٠ مول وبخاطرنا ناكل ياباني فمرينا ساكورا
PinkGirlQ8 Roll طلبي طبعا كان 😉
المكون من خيار وجزر وربيان تمبورا واعواد القبقب وسويا شيت
لذيذذذذذ
احد جربه منكم ؟ 🙂
Lunch at Villa Mamas in Bahrain
من فتره كتبت بوست عن مطعم ڤيلا ماماز بس من تجربة صديقتي نوره – اضغط هنا
هالمره انا اللي زرت المطعم بناء على نصيحة نوره لانها وايد مدحته بمجرد ما وصلنا الفندق وحطينا الجناط انطلقنا للمطعم
كنا رايحين يوم الجمعه ولما وصلنا المطعم كان فل وماكو مكان للانتظار اضطرينا ننطر وقافيه لما وصلنا الدور
وماقصرت (سوزان) من الاستقبال بالمطعم قدرت ترتب لنا طاوله
طبعا من كثر ما حبيت المطعم رحت له مرتين اول يوم واخر يوم مع هاله رفيجتي وصديقتها لميا 🙂
المطعم من داخل
المنيو متنوع بس انا خذيت براي نوره وطلبنا اللي طلبته ومدحته
ليمون نعناع
هالعصير اسمه منيره وايد طيب
سلطة رقي مع جبن فيتا عجيبــــه
بيديان مع الروب والجوز هذا قتاااال
والخبز لين شزينه
باستا مع الدياي كانت زينه على كلام صديقتي فطومه
الشيش برك كان لذيذ بس شوي عرد لازم تعضونه حيل علشان يتقطع
العيش كان طيب
باباروني بيتزا كانت ثقيله لانه كميه الجبن وايد والعجينه رقيقه جدا
مارغريتا
هامور كل من يمدحه بس انا ماجربته
كيكة كينوا مع زبدة الفول السوداني
مو شينه
خوش چويهه
ڤيلا ماماز بمنطقة سار مقابل سينما سار
Tel : 39942449 – 17305031
Twitter & Instagram @VillaMamas
I♥BH
حلفت يالزينه مافارق البحرين
في قلبي مزروعه و محفوظه وسط العين
اشتاق اشم العود و اوله على الطيبين
والحنه لي خطوه .. خطوه على الكفين
وأرد ويا الصيف ولا الشتا لي رد
ولا مع الأشواق وقت الربيع والورد
البحرين بالنسبه لي عشق وااايد احبها لأنه تعودنا من واحنا صغار نروح على طول
وامي الله يرحمها كانت تحبها وايد فهالشي تورث لنا
وايد ناس يقولون لي البحرين مافيها شي بس انا بعيني اشوفها كل شي
كفايه روح اهلها الطيبين وحچيهم اللي يشوق ااااايه عليهم :*
اللي متابعيني في الانستغرام (اضغط هنا) يعرفون وين اروح ووين ايي
اول امس رديت من البحرين اللي قضيت فيها ٣ ايام تمشينا وتسبحنا بحمام السباحه وجربنا مطاعمهم اليديده ودشينا سينما والحمدلله غيرنا جو شويه واهم شي التقيت صديقتي هاله ام عبوووودي اللي كنت ولهانه عليها ام الزين :*
بحط لكم بعض البوستات المفرقه ان شاء الله عن زيارتي للاماكن اليديده
واهم شي صورت مع اللوحه اللي فوق وتعنيت لها بعز الرطوبه ههههه
I♥BH