شارك الفنان الاماراتي حسين الجسمي المواطنين المصريين بتشجيعهم على التصويت في الانتخابات الرئاسيه عبر طرح اغنية بعنوان بشـرة خيـر
من كلمات أيمن بهجت قمر ومن ألحان عمرو مصطفى
وايد حبيت الاغنيه وان شاء الله تكون فعلا بشرة خير وترجع مصر ام الدنيا
كلنا بنحبك يا مصـــر ♥
حضرت الاسبوع اللي طاف حفل اطلاق العلامه التجاريه (كودالي) في الكويت
وهي ماركه اوربيه متخصصه في مجال العنايه بالبشره
ومنتجاتها طبيعيه ومتنوعه تتضمن مرطبات معالجه ومحاربه الشيخوخه والكريمات وسوائل غسول البشره وعلاجات اخرى تلائم جميع انواع البشره المختلفه
فاين اكسبرت – سائل الشد
يعمل على تقويه البشره وتجديدها وعنايه عميقه بالبشره ويشد البشره فوري وتناسب البشره الحساسه وخالي من الزيوت
بريميير كرو – كريم
يحارب التجاعيد ويشد ويقوي ويرطب البشره ويحارب البقع السوداء
سائل التكسير
يقوي وينشط ويصغر مسامات البشره ومصحح للمكياج ويحتوي على زيوت اساسيه مثل اكليل الجبل وزهر البرتقال والمر والجاوي
Site Link
امس بالليل وصلني بوكسين فيهم شي لذيذ 🙂
بيغـل من ذا قريت امريكان بيغل بيكري
انواع وايد و في وسطهم علبة فيها جبنه كريميه
وبما اني استمتع بوجبة الريوق مع الغاليين في الدوام فقلت ماني ماكله الا معاهم وخشيتهم لي الصبح
خصوصا ان البيغل احسه الذ هالفتره من اليوم 🙂
وايد انواع كانوا يايبين منها الساده والاسمر وبالسمسم والجبن والبيتزا والطماط المجفف والبصل والدارسين والجوكليت والحبوب
وبما ان الكل كان وده يجرب والبيغل ماشاء الله راهين فإتخذنا سياسة التقطيــــع 😛
بالنسبه لي جربت البصل كانت يمي بس الملكه كانت هذي
بيغل الدارسين او السينامون
شي خطيررررررر
وايد عجبنا حتى الجبن طيب
مشكورين على النقصه و موفقين يارب
Instagram @tgabkw
بحدث كبير عرضت مجموعة شانيل لربيع/صيف ٢٠١٤/١٥ في دبي
كان الشو جميل لكن مو بجمال العرض الاخير المستوحى من السوبرماركت
حاول المصمم كارل لاغرفيلد ان يضيف الطابع الشرقي للمجموعه باضافة الاقمشه ذات الطابع العربي خصوصا الشماغ وبعض القصات العربيه اللي احس اقرب للمغرب العربي منها للخليج وحتى بالاكسسوارات اللي استوحى شكلها من الحلي العربيه القديمه
كان نجم العرض القطعه المطرز عليها معالم دبي والجنطه اللي على غالون بترول !!
ذاك اليوم كنت طالعه مع عيال اختي الله يحفظهم ومشتهين شي حلو فقلنا نروح نشوف المحل اليديد اللي فتحوه
Choco Spell
في الوطنيه
تجربتي السابقه – اضغط هنـا
على بالي قعده وكافيه بس طلع المكان صغير وماكو قعده 🙁
والمكان حسافه صعب شوي ماكو مواقف الا بالسرداب والمكان يخرع لو بروحي مانزلت والمكان كله رياييل وبالضبط جني رايحه بومبي
وايد متحسفه على المكان
الاستاندات زوغه حق المناسبات
طلبنا كريب كرافت عباره عن ٤ قطع ميني كريب وعليهم سكر بودر استانسوا عليهم اليهال
والاورجينال جوكو سبل عجيب
القبله – شارع عبدالله السالم – سوق الوطنيه
Tel : 55571455
Instagram @ChocoSpell
هالبوست مو انا مسويته هالمره ابوي يايب لكم هالموضوع 🙂
واهو يتمشى بشاطىء انجفه شاف هالكارافان واقف ومكتوب عليه اختراع العوهلي
وقف والتقى مع صاحب السيد/ عبدالرزاق العوهلي
قاله انه هالكارافان بسيط وستايله كويتي مكون من ٥ ادوار !!! الطابق الاخير خيمه طولها ١٢ متر وفيه ٤ حمامات ومطبخ وخمس صالات كبيره ويكفي ١٠٠ شخص
وحائز على براءة اختراع من امريكا والجائزة ال٣ على العالم من المانيا
وانهم ياخذ طلبات لكارافانات اكشخ وعلى مستوى فاخر جدا
هذي جم صوره للكارافان
Tel : 66701411
