قبل فترة سمعت من صديقتي عن (دله وبس) وحده تسوي قهوة دله وتبيعها وتوصلها مكان ما تبون و وايد مدحت قهوتها

اليوم بالدوام مادري ليش طرت على بالي وكان صج خاطري بقهوه عربيه

كلمتها ياحلوها نفسها حلوة وقالتلي ان قهوتها تتكون من 4 انواع بن اهي تحمصهم وتجهزهم وتخلطهم مع بهار القهوه بطريقة طهي معينه بحيث البخار ما يطلع من القوري

وعندها 4 انواع من القهوه .. العادية العربية بالهيل والزعفران, بالمسمار, بالدارسين والاخيره بالجوكليت بس هم مره

واللي عجبني بالموضوع ان السعر شامل القهوه ومطارتها والتوصيل والضيافه من القدوع (التمر) بقيمة 7 دك

والاحلى دقة الموعد قالتلي ساعه بالضبط وكانت عندي الدلة بالموعد 🙂

وصدق بن حثلين لما قال :

يا ما حلا الفنجال مع سيحة البال .. .. في مجلسن مافيه نفسن ثقيلة

هذا ولد عم وهذا ولـــــد خــــال .. .. وهذا رفيق ما لقينه مثيــــــله

القهوه تبارك الله مضبوووطة وتعدل الراس تسلم ايد اللي مسويها

انصحكم وبقــوة اذا تبون مزاجكم يتعدل 🙂

للطلب : 60037150

Twitter & instagram : @dalahoobs