تمت دعوتي لافتتاح محل
Sweet Twins 2
صار عندي ظرف وماقدرت اروح لكل صديقتي سويره حبيبتي ماقصرت صورت لي چم صوره لكم 🙂
المحل متخصص بالشوكولاته والحلويات اضافه الى بعض العلب واواني تقديم واطقم الهدايا
مكانهم في امنيه سنتر، السالميه، شارع سالم المبارك، الدور الارضي
Instagram @SweetTwins2
Fendi PETITE 3JOURS Bag
موديل الجنطه نازل الكولكشن اللي طاف بس كان حجم الجنطه اكبر وايد
هالموسم نزلوها بحجم عجيب لاهو كبير ولا صغيره اتكفي شي
المميز بجناط فيندي انهم عمليين ويكدون ماشاء الله
اللون البرتقالي المحروق وايد حلو ويلوق مع كل شي
تقدرون تلبسونها على الچتف او تشيلونها بيدكم
الجنطه وسيعه وتكفي كل شي عجيبه
عيبها الوحيد انه من داخل مافيها سحاب غير جذي اتينن
Link
وصلتني عدة منتجات من بنفيت مع جنطة صغيرونه للميك اب وكوستر
بعض المنتجات كنت مجربتها من قبل بس ماتكلمت عنها وبعضها اول مره اجربه
اول شي فتحته كانت الماسكرا
They’re Real
بصراحه اول مره استخدمها وقريت تعليقات الناس عندي بالانستغرام لما حطيت صورتها فحبيتها اكثر وشجعوني استخدمها
المميز فيها انها من الماسكرات العمليه اللي تقدرون تحطونها بأي وقت كلش مو ثقيله على الرمش وتعطيه تقويسه جميله وطول اضافه الى كثافه قليله والحلو بعد انها تفرق بين الرموش مايتكعكلون
هبة الموسم من بنفيت قلم الاينر
They’re Real push-up Liner
سمعت من بعض البنات انه بأول تجربه ماراح تحبينه بس جربيه اكثر من مره راح تتعودين عليه وتحسينه وايد سهل خصوصا لرسمة الكات آي
اهو عباره عن جل ولونه اسوووود فاحم واللي يميزه وجود راس القلم المايل اللي يسهل رسم خط دقيق
The Pore Sessional
هالمنتج جربته من قبل وهو مثل البلسم او الكريم اللي يخفظ ظهور المسام ويساعد على تثبيت المكياج لانه يسوي طبقه ملسا على البشره
يسخدم بعد المرطب في الاماكن اللي فيها مشاكل مثل الانف والجبهه وبعض الاحيان الوجنتين
Bene tint
منتج عجيب اعرفه من زمان و وايد ناس يحبونه
عباره سائل احمر تقدرين تستخدمينه للخدود والشفايف يعطي لون طبيعي ويظل موجود طول اليوم
مجرد نقطتين على الخد وتوزعينها بسرعه قبل لا ينشف والنتيجه عجيبه
امس عشانا كان برعاية مطعم بوشنب
مسوين منيو يديد للمطعم وحبوا انه نجرب بعض الاطباق منه
اول ساندويتش جربناها كانت
Shanabz Chicken Bread
خبزتها طريه ولذيذه
Beef Dôner Bushanab
هذا الشي لذيذذذذذ
وايد طيبه الدونر
Kabab Chapati
الكباب بالجباتي لذيذه بس دسمه شوي اذا ماتحبون طلبوا منهم يغيرونها لي ساندويتش عادي
Hallom Chapati
حلوم بالجباتي الاحمر بطعم السينابون
الطعم غريب حالي على مالح مادري مو الكل ايوز له
Kraft Cheese Chapati
كرفت بالجباتي الاحمر بطعم السينابون
نفس طريقة الحلوم
عصير رمان يسرسح
شكرا بوشنب اكرمك الله 😀
Tel : 97544453 – 97544476
Instagram @BuShanab_kw
تعودنا من بدايه انطلاق موسكينو انه ينفرد بالتصاميم الغريبه واستخدامه بعض الكاركترات
بعد سبونج بوب و ماكدونالدز بمجموعته السابقه هالمره كان ثيم هالمجموعه مستوحاه من دمية باربي !
اذا باربي موجوده لازم الطاغي يكون اللون الوردي والشعر الاشقر:)
وهديه الحضور بالشو كانت الباربي دول اللي كاشخه بمجموعة موسكينو الاخيره وكڤر الموبايل اللي على منظره
اخليكم مع صور من الشو
امينه العباسي فنانه تشكيليه ومن الطاقات الشبابيه البحرينيه اللي تعجبني
ترسم لوحات حلوه وعندها منتجات مستوحاه من التراث البحريني والخليجي
عرفتها لما شفت كڤرات تلفون في محل ووكن كلوزت عندنا بالكويت وشفت لها اكثر من منتج بأماكن اخرى بمعارض الكويت المختلفه
لما مريت البحرين قلت لاااازم امر محلها في مركز تجاري يديد وصغير اسمه الريادات مول
مع الاسف اغلب التكاسي كانوا مايعرفونه واضطرينا نبحث عن اماكن مقاربه يمه علشان ندخله في قوقل ماب اللي انقذنا ووصلنا للمكان المطلوب 🙂
اللي يونس ويضحك انه التكاسي يقولون لنا والله انتوا يا اهل الكويت تحبون الفناتق والدواعيس وتعلمونا عن اماكن بديرتنا مانعرفها هههههه
ياحلوهم البحرينيين خف طينه
المهم وصلنا المول وكان محل امينه العباسي بواجهة المول الحمدلله
راح تلقون اشياء تشوق جناط وفايلات وكوشيات ومناظر للجنطه وكڤرات موبايل وبواكه وصواني وطاولات وبوكسات مجوهرات وغيرها
امينه جاليري في الريادات مول في عالي
Tel : +973 3511 7579
Site Link
هالخريطه علشان تدلون موقع المول
بعض منتجات امينه العباسي تحصلونها بالكويت في برج جاسم بالسرداب
نسيت شنو اسم المحل بالضبط