صاحبة هيوناز كيتشن كانت موجودة في يوم الفينال ببروجكت اكس ويايبة معاها نوعين من الحلويات الناطعه اللي تسويهم
ماقصرت بتذوقنا شغلها 🙂 ومنو يفوت شغلها اللذيذ مشاء الله عليها
Nutella Basbosa اول بوكس كان فيه
ثقيل بس خطيررررررررر اللي يحب البسبوسة لازم يجربه
Nano Bombs وبعد شي ثاني خطير اهوو
كنت مجربته مره عند دندرمة وايد لذيذ عباره عن كور دايجستف بصلصة وجوكليت
For Order : 50590456
Site Link
مشروع جديد مكانه بجمعية الزهراء Lovin Oven
يقدمون انواع من الحلويات مثل التشيز كيك بأنواعه المختلفة والتارت الحلويات الباردة والمولتن اضافه للبسبوسه بالقشطه
Tel : 55509904
Project X وصلنا لفاينــل
انا ودندرمة خسرنا بالمرحله الاولى لكن ما يمنع نروح نشجع ربعنا بالمرحلة النهائيه 🙂
الفرق المتأهله للنهائي كانوا
1- His & Hers
2- The Sidetalk & FroyoNation
3- Moody & The Triple Sisters
4- The Triple Sisters
5- The TripleF & UrbanQ8
6- Elderwaza
وصلت بالموعد بالضبط مع رنة جرس البداية 🙂
وكان المفاجأة تحت القصدير اختيار من اثنين السمج مع الخوخ او لحم العجل مع التفاح !!
وعندهم 120 دقيقة يطبخون ويزهبون طبقهم وبعد 20 دقيقة من بداية المسابقة يكون الجوكر وهو مكوَن لازم يكون ضمن الطبق
وبدا الكل يشتغل على تنفيذ الطبق وبصراحه جولتي مع الكاميرا بدون منافسه كانت ممتعه 🙂
الحكام باسل وفهد وزياد بجولة على المتسابقين ينصحون ويجيكون على كل شي
وهذي بعض الاطباق اللي لحقت اخذ لهم صور قبل التحكيم
وفجأة صارت المفاجـأة 🙂 الاحتفال بعيد ميلاد باسل السالم
عيد ميلاد سعيد باسل وعقبال مليون سنه 🙂
و وصلنا للجد وبدوا لجنة التحكيم يذوقون الاطباق ويعلقون عليها
وبعد التحكيم وبانتظار النتيجة وصل فرايد جانك مع عدته وبدا يسوي خلطته ويقدم السويت على الجميع
المتسابقين اما اللجنة بانتظار اعلان الفائز
والفائز ماكان مفاجأة الكل كان متوقع فوز فريق الدروازة (فهد وعامر) مبدعين بالمرحلة الاولى والنهائي مشاء الله عليهم طباخين بصراحه ويستاهلووون الف مبروك 🙂
احب الاماكن اللي تحاول تغير طريقتها وروتينها وكل ما تروح لها تلقى شي يديد
I Love Suzani هالمره متعاونين مع Nails & Co
واليوم كان ثاني يوم وباجر اليوم الاخير .. كل شي بالمكان سوزاني مو بس الديكور حتى الاغراض تقدرون تشترونها مطاطير وصواني وجناط واي باد باق وغيرها
وغير جذي بتستمتعون بأكل الخنفروش والليمون غراس بس ايام السوزاني 🙂
عرض السوزاني في فرع برج النصار فقط
Nails & Co Located in Alnassar Tower, Fahad Alsalem St
Tel : 22258100 – 22258101
Twitter : @NailsandCoSpa
The Edge بعد يوم كامل بالبحر وحمامات السباحة ما لكم الا مطعم
المطعم باتلانتس يم حمام سباحه الرئيسي يعني ما يحتاج وقت الغدا تروحون الغرف وتبدلون وترجعون 🙂 هذا احلى شي الواحد ياكل ويخلص وجان وده يرجع يسبح او يصعد غرفته مره وحده
القعده مريحة وشرحة
المنيو كبير ومنوع من سلطات وبرجر ومشويات وبيتزا معده بالفرن الخشبي والحلويات اضافه الى انواع كثيرة من الموهيتوو والمشروبات الاخرى
اول شي قدمولنا سلة الخبز (صمون بالدراي توميتو) مع صوص لذيذ
وعلب الكاتشب والمايونيز الصغيرة
ليمون بنعناع
Greek Salad
سلطة يونانية مكونه من الخيار الزيتون بصل خس طماط اوريجانو ونعناع وجبن فيتا وصلصة الليمون
كانت لذيذة جدا
Fresh Buffalo Mozzarella Salad
قطع من جبن الموزريلا مع الخس والطماط والبصل والفوكاشيا
فرايز مالنا غناة عنه 😛
Edge Burger
كانت لذيذذذذذذة وحااااره يم يم
Margherita Pizza
بيتزا المارجاريتا عجيبة حدها مخبوزة بفرن الخشب
وصار وقت الحلو وبديناه مع تارت التفاح كانت يعني بس التفاح كان اكثر من التارت فمو مبين طعمه
Banana Split
ايس كريم الجوكليت والفانيلا والفراولة مع الكريم والموز والبيريز
حسافه كان ذايب بس هم لذيذ
