يبدو ان مطعم جوكليت اند ماكرون في الافنيوز (فيز2) سكر وسيكون مكانه فرع جديد لستاربكس قريباً وبجذي يكون عدد افرع ستاربكس في الافنيوز 7 افرع بالاضافه الى فرعين لمطعم بوتبيلي اللي يقدمون قهوه ستاربكس
شاروخ خان يقدم استعراض خاص في حفل زفاف اماراتي
تناقلت وسائل التواصل الاجتماعي صور لفنان بوليوود المشهور شاروخان اثناء وجوده في حفل زفاف اماراتي الخميس الماضي لمدة 30 دقيقة ليقدم استعراض خاص كان مفاجأة للمعرس والعروس من اهلهم
والتقى بالعراقيه شذى حسون اللي كانت حاضره العرس وخلته يغني انا المسيجينه !!! وعليه عليك يا شاروخ اخرتك انا المسيجينه 1 !
الصور من صفحة محبي شاروخان على الفيسبوك ومن قوقل ايضاً
فيديو لشاروخان وهو يرقص مع شذى حسون !
Tutto Piccolo Opening event of Summer 2013 Collection
Tutto Piccolo وصلتني هالدعوه الرقيقة من بوتيك الاطفال
لحضور ايفنت اطلاق مجموعة الصيف الجديدة من الملابس والاكسسوارات
الافتتاح كان مرتب وبرا المحل مسوين حركات وانشطة للاطفال من مينيكير وتلوين وتصوير وغيره من
events by M وكل الشغل من تنظيم
هذي التفتيحه الصيفيه الجديدة عندهم 
تيجان الفلورال تشوق
كل طفل لبسوه شريطة البنات عليها ورده والصبيان عليها سياره
واليهال مستانسين يلعبون
يحلو البنات اللي يتصبغون :*
مكان للتصوير
بوفيه اشياء تونس لليهال يحلوها نفيش وحلاو وعلوج وشعر بنات 
Tutto Piccolo Located in Olympia Mall, 2nd floor
Tel : 50662322
Site Link Instagram @TuttoPiccoloKw
Asama Perfumes Now Open at Al Tijaria Tower
الواحد يستانس لما يكون عارف مشروع من بدايته كان صغير وبدا يكبر
عطورات اساما كانوا مشروع صغير وعطوراتهم ما شاء الله حلوة و مميزه وهالاسبوع افتحوا اول محل خاص فيهم في برج التجارية
المحل صغير ومرتب وفيه كل منتجاتهم الخنينه من عطورات ورشوش وبخور
عطورات اساما اللي اساميها كلها عن البحر والسر عند بو عبدالله 🙂
والعطورات جداً مميزه وريحتها عجيبة
والرشوش الموجودين حاليا طيبة وشوق وسهام
جربتهم كلهم وكل واحد احلى من الثاني 
وهذا عطري اليديد منهم وعطر ساند هدية من بوعبدالله للوالد
مشكورين وايد يا بو عبدالله وام عبدالله على الاستضافه في محلكم وعسى الله يوفقكم وفرصة سعيده اني التقيت فيكم شخصياً واستمتعت بالسوالف معاكم الله يحفظكم
Asama Perfumes Located in Al Tijaria Tower , M2
Working time : 11 am to 9 pm (Friday off)
Tel : 96927262
Site Link Instagram @AsamaPerfumes
Review : Stacks .. The Pancake Place
من الاماكن اليديدة اللي فتحت في بنيد القار Stacks
ويقدمون بان كيك بأنواع مختلفه اضافه الى بعض الانواع الاخرى من الاطعمه مثل السلطات والوافلز والكريب والسندويتشات واطباق خاصة لفترة الريوق
المكان وايد صغير بس هادي وكنت رايحة على ال11 كان فاضي خذيت راحتي 
وبما ان تخصصهم بان كيك فقلت اجرب نوع من الانواع الموجوده ونصحتني الويتر ببنانا فلانا
وبما ان البان كيك يحتاج شي حار معاه فقلت ابي كابتشينو او لاتيه لكن ماعندهم الا امريكانو بلاك كوفي :/
فأضطريت اطلب عصير ليمون ونعناع
كلش ماحبيت العصير كان فيه طعم 🙁
Banana Flana
بان كيك مع صلصة الكراميل والدايجستف المفتت مع الموز بالكراميل وكيك الموز والكريم كراميل
البان كيك لذيذ وكبير ما شاء الله بس احس اللي على نوتيلا بيكون احلى جربوه وقولولي 🙂
البان كيك حلو ويستاهل تجربونه بس الخدمه يبيلها تعديل شوي تعيسة انا خلصت وقعدت انطر احد يمر علي علشان ادفع واضطريت اطق باب المطبخ علشان تطلع لي وادفع !!!
Stacks Located in Bnaid Al Qar, Block 2, Istiqlal St, Fotooh Al Rifaei Building
Instagram @Stacks_Q8
Suave Q8
يوم الخميس وصلني بوكس يشوق فيه ورق عنب وكيكة اسمها امينه من مشروع سواف
البوكس نازك والوانه حلوة
حتى طريقة فتح البوكس ذربه وداخله 4 صحون 3 فيهم ورق عنب والرابع فيه الشوك والمناديل 
الورق عنب مرتب وطعمه حامض وبهاراته واضحه
كيكة أمينه مغلفه وشغل عدل وحتى قطاعة الكيك معاها
احلى شي انه الكيكة نص بنص
اول جهه على ككاو وبسكوت وصلصة ككاو وايد لذيذة والجهه الثانية بسكوت وكراميل وكريمه بيضه
For Order (WhatsApp) : 50409087
Instagram @Suave_Q8