منو ما يحب الكنافه ؟؟؟
خصوصا لما تكون حااااره وبرتقاااااليه وتقول اكلوني 😀
الاسبوع اللي طاق وصلتني كنافه بس كشخه عليها اسم البلوق
العلبه مرتبه ومعاها شيره زياده وقفاش يعني ماعليكم الا تزهبون القهوه وتستمتعون
الطعم خياااال وايد لذيذه ماشاء الله واللي يسويها شاب كويتي الله يوفقه
الصينيه راهيه ماشاء الله وممتازه حق اليمعه وتقدرون تكتبون عليها اللي تبون بالانجليزي والعربي
For Order : 60000432
Instagram @Knafa_Kw
وصلني كيك بوبس في بوكيه من مشروع
Tulip Delights
دازين لي ٣ انواع الفستق، جوز الهند والدارسين مع الجوز
جربت الفستق كان طيب والبنات في الدوام يقولون كل الانواع طيبه
For Order (WhatsApp) :65898005
Instagram @Tulip_Delights
وانا اتمشى بالافنيوز دخلت توب شوب ولفت نظري التريننقات الاديداس !
طلع تعاون بين اديداس وتوب شوب لطرح بعض القطع المستوحاه من طبيعة لندن
وجمع الموضه مع الرياضه بتصميم جميل
تقدرون تشوفون باجي القطع في موقعهم
Link
تم صباح امس افتتاح الفرع الثالث لمحلات ماركس اند سبنسر في الكويت بمجمع الافنيوز
في المرحله الاولى بجانب نيكست والدو
هذا الفرع يحتوي على الملابس النسائيه وقسم التجميل فقط
براون دايموند من اول الناس اللي قدموا الروكي رود بطعمه لذيذ وتميزوا فيه وابتكروا العديد من النكهات وتوسعوا من بزنس صغير وصار عندهم بوثات في جمعية حطين واليرموك
وامس كان افتتاح قهوتهم المجكنمه في برج التجاريه
المكان ملموم وحلو يقدم بعض الساندويتشات والخفايف وانواع من القهوه واهم شي العربيه طبعا واكيد الشي الاساسي الروكي رود الطيب
مريت اليوم الكافيه على السريع وتشرفت بمعرفة صاحبته الحبوبه الاخت عايشه القناعي
اكرمج الله عواشه واللاتيه وايد طيب مشكوره وموفقه :*
اليوم حضرت افتتاح المطعم الياباني مارونوشي في برج مزايا
بصراحه اول مره اعرف انه هالابراج فيهم قهاوي ومطاعم !
الايفنت كان تنظيم العزيزه نوف المضيان
المكان هادي ومرتب وديكوره كلاسيكي راقي
هذي القعده الخارجيه
وهذا المطعم من الداخل
عزف حي
شفت انسام وعجبتني حركتها بالجوبستكس اللي دزوها لنا مع الدعوه 🙂
قدمولنا العصير اول ماقعدنا
نسيت شنو اهو بالضبط بس شي لذيذ
وهذي بعد ضيافه اول ماقعدنا شي لذيذذذذذ بالبيديان
هالشي ماذقته
بعدها قدموا لنا بعض انواع السوشي اخترت الافوكادو والكراب
وبعض المقبلات بعد
المدوره بطاط لذيذه واللي تحت دياي هم طيب
العيش البني عجيب
الواقو والدياي بنوعينه طيب
قدموا لنا موهيتو لكن ماحبيته واااايد حامض
وختمناها ب٣ انواع من الحلويات
الشي الاخضر اذا ماني غلطانه كيكة جاي اخضر طيبه جدا
Marunouchi is Located in Sharq, Mazaya Tower 3, khaled bin alwaleed st
Instagram @Marunouchi_Koweit