سيفكو سوبرماركت يديد توه فاتح بالري صوب لولو هايبر
وايد كبير وشرح ومرررررررتب بس ليلحين يبيله شوية شغل لانه الارفف بعضها مو مليان
اعتقد افتتاحهم الرسمي بيكون الشهر الياي

يتكون سيفكو من طابقين وفيه دايت كير وقهوة هلا ومطحنة الرفاعي ومحل هدايا

وايد استانست على الترتيب حسيت جني مسافره وانا اتمشى

قسم الفاكهه والخضروات يشوق مع طريقة العرض بالسلال عجيب

مخبز



وانا اتمشى لفت نظري مكان جنه يسوون فيه دورات طبخ وطلع صج بيكون فيه قريبا دورات للكبار والصغار مع الشيف ريم الفيلكاوي يا حلوها


هلا كافيه


جربنا القهوه العربيه عندهم 🙂 كانت جيده

هالبراويز عجبوني خذيت منهم ٢

العاب اليهال

هدوم اليهال زوووغه
بس الاحرف مو كل شي موجود 🙁

سيفكو على الدائري الرابع بجانب المشاتل ولولو هايبر
Tel : 22253842
Instagram @Saveco

كتبت الشهر اللي طاف عن افتتاح الفرع الجديد لمارك سبنسر في السالميه
هالاسبوع تم الافتتاح وامس مريته ماشاء الله اينن كبيررررر وشرح و٣ طوابق وقهوه ومخبز صغير

شوفوا الصور 🙂

الجمعيه صغيره ماتفرق عن الفروع القديمه

مخبز صغير

قهوة جديده ونظامها نفس مارك سبنسر تطلبون ويعطونكم رقم ويوصلكم الطلب
امس تريقنا هناك 🙂

القعده وايد حلوه وشرحه والالوان هاديه والكراسي مريحه
وايد حبيت المكان واكيد فتره الصبح بتكون الاهدى

وناطرين طلبنا

الهوت جوكليت بالضبط نفس مالت لندن يم يم

كرواسون بالجبن والطماط كانت طيبه

بيغل مع البيستو والجبن صديقتي تقول كانت عاديه

مارك سبنسر اليديد في السالميه، مجمع ذي فيو بجانب فندق ميسوني