![backofhouse1](https://pinkgirlq8.com/wp-content/uploads/backofhouse1.jpg)
في فندق اتلانتس وايد اشياء تقدرون تسوونها وتستمتعون فيها مثل السباحه مع الدلفين والاكوافنشر وزيارة الاكواريوم واللوست شامبر
Back of House و هالمره صار اختياري على
واهي عباره عن جولة مع القايد لمشاهدة مل خلف كواليس اكواريوم اللوست شامبر والامباسادور لاقون ومن ضمنها مكان فلاتر الماي الخاصة بالاكواريوم وشلون تشتغل وطريقتها وزياره المستشفى الخاص بالاسماك ومكان تجهيز الاكل للاسماك واخيراً اطعام بعض انواع السمك
![backofhouse2](https://pinkgirlq8.com/wp-content/uploads/backofhouse2.jpg)
حجزت تذكرة مخفضه ب75 درهم لأني ساكنه بالفندق وجولتي كانت الساعه 1 الظهر
وقعدت انطر القايد علشان تاخذيني من اللوست شامبر
![backofhouse3](https://pinkgirlq8.com/wp-content/uploads/backofhouse3.jpg)
ومن حسن حظي انه القايد كانت اتينن ونفسها حلوة وتشرح من قلب وترد على كل اسألتي بابتسامه وصدر رحب .. كارلا فعلاً حببتني اكثر بالجولة 🙂
اول شي قالتلي لازم يكون الجوتي تكرمون مريح وكنت متجهزة عدل لما سألتها ليش؟ قالتلي لأن السالفة فيها مشي شوي ودرج .. ليش لا دام فيها استكشاف يديد 🙂
طلعنا من باب ودخلنا باب وكل شي مقفل بمفاتيح وكنت الوحيده بالجولة محد مسجل غيري المهم وصلنا الى مكان فلاتر المياه الخاصه باكواريوم الفندق بالكامل وكان مع الاسف التصوير ممنوع
ركبنا الدرج وشفت شي مذهل مشاء الله بايبات كبيرة للماي والفلاتر وطريقة تصفيته والشي الوحيد اللي كان مزعج صوت المكاين
بعدها نزلنا وعن طريق الممرات المستخبية بالفندق وصلنا الى مستشفى الاسماك وهني عرفت معلومات يديده اول مره اعرفها خصوصاً الخاصة بالاعتناء بأسماك الاكواريوم بأنواعها الكثيرة
اول شي شوفوا معاي المكان اللي متروس من الاحواض الكبيرة والصغيره على حسب حجم السمج
![backofhouse4](https://pinkgirlq8.com/wp-content/uploads/backofhouse4.jpg)
![backofhouse5](https://pinkgirlq8.com/wp-content/uploads/backofhouse5.jpg)
وجداول متابعه وشي مرتب لكل نوع سمج
![backofhouse6](https://pinkgirlq8.com/wp-content/uploads/backofhouse6.jpg)
هذي بعض انواع الاسماك المتواجده اكواريوم اتلانتس ذا بالم
![backofhouse7](https://pinkgirlq8.com/wp-content/uploads/backofhouse7.jpg)
الشي اللي اثار اعجابي طريقتهم المتخصصة مع الاسماك انا على بالي حوض ومجرد اييبون السمج ويقطونه داخل طلعت السالفة مو جذي نهائياً
الاسماك اللي يستوردونها ما يحطونها على طول بالاكواريوم اييبونها المستشفى وتنعزل لفتره لأنها متعودة على ملوحة ماي معينة ويتدرجون معاها بالملوحة الى ما يوصلون للدرجة الخاصة بالاكواريوم وينزلونها
الاسماك الصغيره كلش تنشال من الحوض ومايردونها الا لما تكبر شوي
يتم فحص الاسماك بشكل شبه يومي عن طريق الغواصين المتخصصين واذا كان هناك اي سمكه مريضة تنعزل بالمستشفى ويعرفون بمرضها عن طريق قشورها وطريقة سباحتها وغيرها
وهذي بعض الكائنات البحرية اللي شفتها بالمستشفى
![backofhouse8](https://pinkgirlq8.com/wp-content/uploads/backofhouse8.jpg)
![backofhouse9](https://pinkgirlq8.com/wp-content/uploads/backofhouse9.jpg)
![backofhouse10](https://pinkgirlq8.com/wp-content/uploads/backofhouse10.jpg)
![backofhouse11](https://pinkgirlq8.com/wp-content/uploads/backofhouse11.jpg)
![backofhouse12](https://pinkgirlq8.com/wp-content/uploads/backofhouse12.jpg)
![backofhouse13](https://pinkgirlq8.com/wp-content/uploads/backofhouse13.jpg)
هذا جيلي فيش
![backofhouse14](https://pinkgirlq8.com/wp-content/uploads/backofhouse14.jpg)
وهذا نوع من الاكل اللي يتغذا عليه الجيلي فيش
![backofhouse15](https://pinkgirlq8.com/wp-content/uploads/backofhouse15.jpg)
بيبي حصان البحر حده حده زبوووووط عنونووووووووو .. وكارلا اصدمتني بمعلومة غريبة واول مره اعرفها .. حصان البحر الذكر اهوو اللي يحمل موو الانثى !!! غريب سبحان الله
![backofhouse16](https://pinkgirlq8.com/wp-content/uploads/backofhouse16.jpg)
كيووووت
![backofhouse17](https://pinkgirlq8.com/wp-content/uploads/backofhouse17.jpg)
وصار وقت نفتح باب يديد وندخل مكان اعداد الاكل للسمج .. تخيلي ياكلون ما يقارب 400 كيلو باليوم مشاء الله
![backofhouse18](https://pinkgirlq8.com/wp-content/uploads/backofhouse18.jpg)
![backofhouse19](https://pinkgirlq8.com/wp-content/uploads/backofhouse19.jpg)
![backofhouse20](https://pinkgirlq8.com/wp-content/uploads/backofhouse20.jpg)
المكان الاخير والممتع اطعام الاسماك وكان الوقت اللي اخترته مخصص لسمكة الموراي
![backofhouse21](https://pinkgirlq8.com/wp-content/uploads/backofhouse21.jpg)
تخيلوا انا راح اوكل هالظريفه .. حية على شكل سمجه تخرع
![backofhouse22](https://pinkgirlq8.com/wp-content/uploads/backofhouse22.jpg)
والاخ المسئول عن هالمكان قبل لا ابدي طلع لي علبه فيها هالانياب يقول هذي ضريساتها وحتى في بلاعيمها موجودين علشان تقطع اكلها عدل
![backofhouse23](https://pinkgirlq8.com/wp-content/uploads/backofhouse23.jpg)
وهذي البلعه وصلت
![backofhouse24](https://pinkgirlq8.com/wp-content/uploads/backofhouse24.jpg)
وباستخدام العصا بديت ابلع فيهم وحده وحده
![backofhouse25](https://pinkgirlq8.com/wp-content/uploads/backofhouse25.jpg)
شي ممتع بس ريحة هالاماكن ززززززززفره
![backofhouse26](https://pinkgirlq8.com/wp-content/uploads/backofhouse26.jpg)
وهذا صديق الموراي فيش 🙂
![backofhouse27](https://pinkgirlq8.com/wp-content/uploads/backofhouse27.jpg)
وهذي صديقتي كارلا 🙂
![backofhouse28](https://pinkgirlq8.com/wp-content/uploads/backofhouse28.jpg)
Thank you Karla, you such a sweetheart i really enjoyed my tour with you and learn a lot of things that i known for the first time 🙂