GulfRun simulator قبل جم يوم كان عندنا تحدي وتجربة لل

وهي لعبة سباق سيارات بس مو عادية حسستني فعلاً اني برالي وسايقة سيارة سباق

بما اني مو خبيرة بهالنوع من الالعاب ولا حتى العاب البي اس بي وهالسوالف تستهويني قلت للبنات ترى بخسركم بس ماصدقوني

اول ما وصلنا بروي شفنا لوحة حق التوب درايفرز اللي وصلوا ارقام عالية

طبعاً قبل اللعبة الاساسية جربنا نلعب كتجربة وانا كتجربتين لكن كانوا فاشلين عن جداره وعيوني قامت تعورني وقلت لهم هونت مابي العب لوول حدي خوااااره بس البنات يخلوني براحتي لا طبعا لازم يعني لازم قلت امري لله

Moody التجربة الصجية بدتها

ومشاء الله عليها شلون وصلت 1:11 مادري @@

البنت الظاهر مجربة تتسابق من قبل :/

الثانيه تدرون منوو ؟؟؟؟ عاشقة لوبوتان عرفتوهااا ؟؟؟

Dudette from 7ajidude do it with her louboutin high heels 😛

Q8 Rain الثالثة يا ويلتي ويلتاه ام المعاير

لووووول صارت قبلي وخلتني اكون الاخيرة وعليه علي :/

انا والمركز الرابع والاخير مع الاسف 🙁

مبروك مودي تستاهلين تكونين في البورد :*

بيني وبينكم ما احب روح الخسرانه لا والاخيره بعد من سمعت ان البنات ناوين يسوونها الاسبوع الياي مره ثانيه قمت اقولبها براسي واليوم صدفه كنت مع صديقاتي في الافنيوز فقلت لهم عن اللعبه وتحمسوا اكثر مني وقالوا بنجرب

قلت حلووووو اتدرب قبل الاسبوع الياي لعل وعسى انحط في البورد واكسر رقم مودي المره الياية هههههه

رفيجتي طلعت مو هينه والله يابت 1:22 @@ مشاء الله عليج هذا وانتي اول مره عيل الثانية شلون 😛

الصج الرقم مو ذاك الزود بس ماطلعت الاخيرة وهم احسن من رقمي المره اللي طافت 1:33

رفيجتنا الثالثة عيزت واهي تدعم بالسياره واتقلب ويابت هالريت 1:42 بس هم احسن مني لما كنت مع البلوقرز اول مره 🙂

جاري التدريب يا بنات يايتكم وبقوة ويحياااا التحدي

كل الشكر للأخ مرزوق والاخ انس على تعريفنا بهاللعبة الحلوة وبصراحه غيرت رايي بألعاب القيمز واتوقع بتشوفوني وايد لما اييب رقم ارضى عنه

GulfRun simulator Located in Barouque, Avenues, 1st Floor