وصلتني دعوه من شركة الصفاة الغذائيه لزيارة المطعم اللبناني الصنوبر وتجربة المنيو الجديد لديهم

اخترنا تكون الزياره وقت الغداء ومن حظنا كان يومها مطر ماكو احلى من جذي 🙂

اول ما وصلنا شفنا عند الباب عامل لخدمة الفاليه لكن لوجود مواقف كثيرة ما عطيناه السياره

اول ما دخلنا استقبلونا بالابتسامة وكان بانتظارنا مدير المطعم

المكان وسيع مشاء الله و اول ما دخلنا كان وايد زحمه وعوايل واطفال لكن ريحة الشيشة ازعجتنا شوي رغم اختيارنا نقعد بمكان لغير المدخنين

مدير المطعم قال بينزل لنا الاكل على ذوقهم من المنيو اليديد اما المشروبات فأكيد كانت من اختيارنا

واكيد مالي غنا عن البرتقال

احلى شي بالمطاعم اللبنانية الخبز العربي الطااازج

سلطة الشمندر مع الروكا

كانت عجيييييييبة وايد عجبتني

التبولة

كانت لذيذة بس وايد حاااامضة

حمص

عرايس باللحم والجبن

بطاطا حره

ورق عنب

جبدة دياي

عصافير بالكاجو والفطر

كباب بالكرز

شي مو طبيعي لذيذذذذذذة

مقانق بالحامض

مشاوي مشكله

خروف محشي

وبعد استراحه ورا هالاطباق اللذيذة وصلت القهوه وبعدها اطباق الحلو

ام علي

لذيذة لكن حسافه ما احب الناريل او جوز الهند معاها

وردة بيروت

وايد لذيذة

مهلبيه

مفروكة الصنوبر

جزريات الضيعه

وايد ناطعين على قرع

كنافه

واحنا قاعدين فجأة اشتغلت اغنية بصوت عالي نسيت شنو كلماتها بس طلعت الطاوله اللي ورانا عليها زوجين محتفلين بعيد زواجهم يحليلهم ويايبين لهم الكيكة

وعلى فكره المطعم يقدم كيكة خاصه لأعياد الميلاد مقابل 7 دك وموجوده بالمنيو

السيد جيكوب من شركة الصفاة والشيف حسين رمال

كل الشكر لشركة الصفاة الغذائيه على الدعوه والاهتمام وحسن الضيافه

Al Sanobar is located in Belajaat Street

Tel : 25715124