الاسبوع اللي طاف اتفقنا مع الحلوة النوري على اساس نطلع كشته بنفس المكان اللي رحنا له من قبل
وصلنا وكانت النوري واصله قبلنا ياحلوهاااا حاطه المده ودار مدارها بالونات وردية !!! ليش ؟ بعد قلبي علشان عيد ميلادي :*
وكالعاده كشته يعني بلعه وسوالف 🙂 الجو كان حده عجيب والنوري ياحلوها مستعده عدل ويايبة معاها سبيكر للايفون واستمتعنا بالاغاني مع هالقعده الحلوة 🙂
النوري, تريبل اف, ابله نوره وسويره قعدتكم ما تنمل
قرآن كريم احلى هدية من النوري ورابينق مينيا مشكورين :*
مدونة جديدة في عالم التدوين الكويتي، فكرتها أن تنتقي من تويتر بعض التغريدات التي تعني ضمن حروفها الكثير من المعاني وتطرحه من خلال نافدة المدونة ليتشارك القراء أرائهم عبر التعليقات، مع الاحتفاظ بخصوصية التغريدة لصاحبها
Site (Link) Twitter(@kwitterblog)
من المصممات الكويتيين اللي وايد احب تصاميمها ورسمها دائماً مبتكره F2O
مشاء الله عليها ورسماتها تحاكي واقعنا بالكويت وبطريقة كاركتيرية مميزة
احب امر بين فتره وفتره محلها في برج جاسم اشوف شنو اليديد 🙂
سَوت ابديت حق السايت الخاص بتصاميمها وكل اخبارها F2O امس
دشيت وحبيت التصميم اليديد والاقسام المضافه عليه والتصاميم اليديدة والصور اللي ضافتهم
وما نست تحط قسم خاص للميديا والبلوقرز والبوستات اللي كتبوها المدونين عنها
كل التوفيق فطومة تستاهلين كل خير 🙂
كان خاطري انا وصديقتي نتريق برا ونشرب جاي حليب او كرك فبما انه كنا بالافنيوز قلنا نجرب ريوق بيكنج تراي
وبعد ما شفنا المنيو وقررنا شنو بنطلب قالنا الويتر انه عندهم طبق يديد للريوق اسمه فارميرز ماركت تراي وكان كل اللي طلبناه موجود فيها قطلبناها مع الجاي حليب طبعا 🙂
اول شي قدمولنا خبزهم اللذيذ مع معشوقة الجماهير زبدتهم المخلوطة بالدراي توميتو عجيبه
ووصل الجاي والحليب
وهذي التراي وصلت وفيها 3 بيضات مسلوقين وجبن ولبنه وزعتر وزيتون مع الخيار والطماط
و3 انواع من المربى (الفراولة – الرازبيري والمانجا) اضافه للعيش المصري (الخبز) والفول كان اضافه منا على التراي
احلى مربى الفراولة يم يم
الفول ماحبيته كان عباره عن فول حب مو مدمس او مهروس وفوقة اذا ماني غلطانه بصل وطماط والطحينه
Baking Tray is Located in Avenues, phase 2, next to Snog & Spa Time
تقيم الجامعه الاسترالية المعرض البيئي ري يوز الخامس والهدف منه اعادة استخدام الموارد الطبيعيه والمحافظة على البيئة
يستمر المعرض الى تاريخ 22 ابريل
اول شي يلفت النظر طريقة تصميم البوثات من الانابيب والالواح المعدنية الحديدية .. فكره مبتكره خارجة عن المألوف
بوث شركة زين للاتصالات
لوول اخترعنا على بالنا صج ريال طلع خدعه 🙂
اكياس للتسوق صديقة للبيئة
هالجنطة مصنوعه من جياس بلاستيك
بوث لوكسيتان
جياسهم مصنوعه من البطاط
ستوديو للتصوير 🙂
شرايكم صورنا بستايل السبعينات والجاكسون 😛
وصله غنائيه للفنان المغربي حسن حجاج
من الاشياء اللي عجبتني بوث بيت السدو وطريقة جديدة لعمل السدو عن طريق اعاده استخدام التيشيرتات 🙂
قاصينهم بطريقة معينه وقاعدين يحيكونهم وايد حبيت الفكره والطريقة برافووو
لوحات
هاللوحة وايد عجيبة تشوق شفت الجملة الاولى بالابيض فقط وبعد ماصورت لاحظت وجود الجمله الثانية
لب جزاز
لوحه بورتريه مصنوعه من علب البيض
بوث لكافيه ميلك ومطعم منش
REUSE 5.0 is located at ACK (Australian College of Kuwait)
From 19 – 22 April 2012
5:00 pm to 9:00 pm
For More info REUSE 5.0 blog
