BananaQ8 Cafe سبق اني كتبت بوست سابق عن

للكافيه Soft Opening وقبل 5 ايام كان ال

مريت اجرب الكافيه وتوقعت القى عماله وافدة مثل اغلب الكافيهات لكن اول ما دخلت تفاجأت ببنوته كويتية تستقبلني بابتسامه وعرفتني على نفسها بأنها صاحبة الكافيه واهي اللي مصممته من الالف الى الياء وحتى خلطات المشروبات اهي اللي مسويتهم كونها تشتغل اصلاً في مجال التغذية

كان السؤال اللي يدور بمخي حزتها الاسم شلون طلع؟ كوَن هناك مدونة صديقة تحمل نفس الاسم

ولي عرف السبب بطل العجب .. صاحبة الكافيه اسمها موزة 🙂 وكان المفروض يتسمى الكافيه بنانا لكن الاسم مسجل مسبقاً في وزارة التجارة واهم من اقترح عليها اضافه الكيو ايت الى الاسم وبجذي صار الاسم مطابق للمدونة الصديقة بنانا كيو ايت 🙂

بعد معرفة القصة وشوية دردشة جميلة مع الاخت موزة اللي تشرفت بمعرفتها خذتني بجولة في الكافيه واتركم مع الصور

الطابق الثاني يستقبلكم فيه الاكواريوم الصغير 🙂

حبيت التاق على بيبان الحمام تكرمون

وصلنا للمنيو وهذا منيو مؤقت

احجام اكوابهم

مأكولات متنوعه ما بين ساندويتشات وكرواسون وسلطات ومافينز اضافه الى حلويات بأنواع متعددة واشكالهم كانت حدها تشوق

آدقر احد العاملين في الكافيه 🙂

طلبت من بنانا تختارلي المشروب وانصحتني بجوكونت فرابيه اللي اهو خليط من الجوكليت وجوز الهند وكاااان لذيذذذذذذ

اما الساندويتش فأختياري كان للتيركي والجبن .. عجبتني الخبزة وايد ترفه ولذيذة

BananaQ8 Cafe Located in Salmiya, Salem Al-Mubarak St

Twitter @bananaQ8cafe