تم افتتاح كافيه لادوريه بعد التوسعه

بعد ما شفت اكثر من صديقة لي رازة صورتها في ال بي بي ام واهي تشرب شاي في كافيه بزة تشوقت اروح له خصوصاً اني ناطرته من زمان يفتح

اتفقت مع صديقتي  ورحنا له امس على العشا

طق طق منهووو ماني مكمله الاغنية هههههه

ديكور كافيه بزة مزيج بين التراثي والمودرن وايد حبيت بساطته والتفاصيل الصغيرة فيه, قطع ديكور قديمة مثل الطبولة ومكاين الخياطة والراديوات والبشتخته وغيرها

الكافيه يتألف من طابقين .. بالصور الطابق الارضي

العاملين وايد حبوبين وسريعين بالتجاوب مشاء الله عليهم

اللوحات الموجودة جداً جميله تعبر عن مفردات وامثال كويتية قديمة مثل بوتمبة كسر اللمبة وكيري ميري وغيرها من المفردات اللي عيال هالوقت نسوها

الدور الاول ليلحين مافتحوه بس سمحولي اصوره 🙂 افتتاحه بيكون بعد 4 ايام تقريباً

وجود تلفزيون يعرض المسرحيات الكويتية القديمة في الدورين

البشتخته .. وعلى فكره طول ما احنا قاعدين في الكافيه الاغاني القديمة تشتغل مثل يا غالي يا بو الموقة وغيرها وفي اغنية مغنيتها الفنانه مروى بن صغير خصيصاً لكافيه بزة

المنيوو .. وايد حلوو ومقسم كل شي له اسم مثل

 ريوق الديرة لأكلات الريوق

 شروكة للمقبلات

 عماكور طاح بالتنور حق الخبز الايراني المحشى

  من الفرضة للسلطات

اللي بالجدر يطلعه الملاس للعيوش

مثل الدبق بالايدين للحلويات 

حبيت قصة بزة 🙂 مادري اذا كانت صجيه ولا لأ والله يحييج يا بزة 🙂

عشانا وصل فطاير الجبن

وايد لذيذة انصحكم فيها

حمص

فول .. مو صج حامض ولذيذ مادري شنو خلطتهم

خبز ايراني بالعسل والقشطة

خبز ايراني حااار

وجاي زعفران يقعد الراس 🙂

كان ودنا نجرب الكوت سنداي وهو عبارة عن قرص عقيلي وايس كريم لكن كان مخلص مع الاسف 🙁

وهذا الحساب 7,750 دك وايد مناسب ,, اسعارهم حلوة

المكان جداً روعه انصحكم فيه جداً جداً وبالتوفيق لكافيه بزة

عندهم طلبات خارجية .. اتصل على : 1860860

بنيد القار .. بالقرب من حلويات كراميل على البحر

Site Link

خلف فرع كنتاكي بجانب جمعيه بيان القديمه