بعيد عن كل ما حصل في العالم من ازمات سياسية واقتصادية وغيرها
سنة 2011 في حياتي كانت غير بفضل رب العالمين
في هذه السنة حققت الكثير من اهدافي وفرحت للكثير من الامور الحلوة اللي صارت لأهلي واصدقائي
* بفضل من الله ومتابعة قراء المدونة الاعزاء استطعت الوصول بالدونة الى مرحلة انتشار جميلة جداً
* حصلت على اخوان واخوات في عالم التدوين كنت فيه لمدة سنتين ونص خلف الشاشة الصغيرة اقرالهم وما اعرفهم شخصياً
* انسأت علاقات اجتماعية مع اشخاص سعدت اني تعرفت عليهم
* سافرت الى دبي وسكنت في اتلانتس وكانت من احلى الفنادق اللي رحت لها
* عالجت ضرسي اللي صارله 3 سنين مكسور وجاري تكملة العلاج ان شاء الله
* فرحت بزواج اخت عزيزة جدا جدا على قلبي بآخر ايام 2011
* وشفت الفرحه بعيون الاطفال المرضى Give شاركت في حملة
* فرحت بتخرج آخر العنقود اختي الصغيرة وبنسبة تؤهلها دخول الجامعه
* رغم اغراءات المطاعم استطعت انقاص شي من وزني 😀
* كانت لي اسره صديقة احبها وايد لكن هالسنة كانت غير معاهم واهم الداعم القوي لي في كل شي .. بيت العلي احبكم كلكم وعسى الله لا يخليني
* في هالسنة اختي شيخه عيالها صار عمرهم سنه وعقبال العمر كله يارب ,, جوجو وحمودي احبكم
* في هالسنة صار عندي اخت قريبة حيل خواتها خواتي وامها امي وما ادري شقول عنهم كلهم لأني وايد احبهم .. .. ابا الخيل فديتكم
مابي انسى احد لأن هالسنة بالذات رفيجاتي كانوا اكثر من خوات بالنسبة لي شجعوني ودعموني وشاركوني والله ماودي انسى احد ابلة نوره وابله فاطمه ورنوي وفيونة وكل صديقاتي مشكوووووورين واحبكم
اسرتي وعائلتي انتوا الداعم الاكبر لي في 2011 عسى الله يخليكم لي ويجعل 2012 علينا جميعاً سنة خير وفرحه وحب وصحه وامان
الكويت الغاليه عسى الله يدوم عليج الامن والامان ويبعد عنج الفتن ونشوفج عروس الخليج دائما وابدا
