مطعم يديد صارله بس اسبوعين من فتح SUNNY SIDE UP
اول شي لازم تعرفونه ان المنيو من اعداد الشيف عدولة 🙂 اقصد عادلة الشرهان اللي طلعت ببرنامج بتلفزيون الكويت اسمه كشته
والديكور من تصميم احمد البدر
المطعم يعتمد على البيض في اغلب اطباقة لفترة الصباح وهذا سبب وجود البيضة في اللوقو لكن تنوع المنيو يخلي الواحد يروح له للعشا 🙂
القعدة الخارجية حلوة خصوصاً هالايام الجو يشجع
المطعم من داخل مرتب والوانه فرايحية
احلى شي حاطين شاحن للايفون والبلاك بيري للزباين خوووش فكرة
المنيوو
الويتر تاخذ طلبنا
عصيري المفضل رقي 🙂
عصير اناناس
وهذي طلباتنا
Grilled italian sandwich
وهي عبارة عن دياي مشوي مع جبن الموزريلا والطماط والريحان والفلفل الاحمر 
Terkey club sandwich
وهي عبارة عن شرائح الديك الرومي مع البيض المقلي والبيكون والطماط والخس والخردل
حدها حدها لذيذة وايد انصحكم فيها بس ترى وايد كبيرة يعني انا واختي وماكملناها راهيه مشاء الله 
Sweet Pancakes with Maple syrup
هذي تحطيم .. واااايد لذيذة 
يم يم نااااطعه
بهالفترة كان صاحب المطعم موجود ومر علينا وسألنا عن جودة الاكل وكلمنا شوي عن المطعم
The Elvis sandwich شوي الا تييب الويتر هالطبق واسمه
وهي عباره عن توست فرنسي مع بريوش مع الموز والعسل وطبقة الرازبيري العلوية والفراولة
كان هالطبق ضيافة من صاحب المطعم الاخ فيصل السعيد اللي ماقصر وشرح لنا قصة الطبق وقالنا انه سموه هالاسم لأنه كان الطبق المفضل للنجم الفيس بريسلي وكان كل يوم يتريق فيه مع كوب من القهوه الامريكية
الطبق لذيذذذ بس ثقيل شوي
شفتوا هاللوقو الكبير والاكواب المعلقة ؟؟ هذا اول شي لفت نظري بالمطعم لكن تدرون اش سالفته ؟
فكرة حلوة من صاحب المطعم خصوصا للموظفين القراب من مكان المطعم
الفكرة ان الزبون يشتري كوب ويختار اي لوقو يختارة من منيو اللوقوات عندهم ويختار اي كلمة او اسم يكتبه على المق بقيمة 8 دنانير اعتقد ويتعلق المق بس يستخدمه الزبون طالما يكون على طول موجود بالمطعم وله خصم على المشروبات الساخنه
واذا غاب الزبون راعي الكوب المعلق لمدة اسبوعين كاملين بدون لا يمر ويشرب شي يدقون عليه ويستفسرون عنه يا يشيلون الكوب يخشونه عندهم او يتواجد لاستلامه واخذ الكوب للمنزل
عندهم وايد صور لطباعتها على الاكواب
لقينه قلاص ساروني 😉
وبالاخير طلبنا الحساب ووصلنا بمقلة عنونه 🙂 
الشيف 🙂
المطعم اطباقه لذيذة ويستحق الزيارة
Located : Al Saqaran Complex, Al-Mubarkia
Site (Link) Twitter (@SunnySideUpkw)
