وصلتني دعوه خاصة من فورجن كوكي لتفتيحة دراريع شهر رمضان المبارك
اول مره ادخل محل اشوف هالكم من الدراريع مشاء الله . مجموعة كبيرة جداً ترضي جميع الاذواق
والحلو ماكو تكرار وايد بالقطع يعني تتميزين بالقطعه اللي بتاخذينها
هالمحل من المفضلين عندي وايد فيه فناتق اكسسوارات وجناط ولووحات واشياء للبيت وغيره
تينن اللوحة
كل الشكر للأخت أريج الخرافي على الدعوة وعسى ربي يوفقج 
فورجن كوكي – اولمبيا مول
يوغر بيري محل كوري يديد للفروزن يوقرت
افتتح الاسبوع اللي طاف في اولمبيا مول
عندهم فروزن يوقرت وبارفيه وسموثيز
المكان الوانه حلوة ويونس 
حالياً الموجود 4 انواع (العادي – البلوبيري – الرمان – الجوكليت) ويتغيرون كل فتره
الى انواع ثانيه مثل الفراولة – المانجو – الرقي – التفاح الاخضر – البرتقال الاحمر – التروبيكال (مجموعه من الحوامض) اضافه الى نكهة التمر اللي يقدمونها حصرياً 🙂
الاحجام
اخترت ميكس الرمان مع البلوبيري
التوبينق فواكهه فريش بأنواع كثيرة مثل المانجو الرمان الرقي البطيخ الفراولة البلوبيري الرازبيري وغيرهم
التوبينق النواشف مثل الفواكهه المجففه والكورن فليكس والاوريو والمارشميلو والجوكليت وغيرهم
وايد لذيذ
قالولي بنقدم لج هدية وهي الميكس ان يوقرت على مذاق الجيز كيك ويقدرون يسوون لكم اي مذاق تطلبونه
بردت الجهاز وبدت تفرد الاورجينال يوقرت 
حطت مكونات الجيز كيك وبدت تخلطهم مع بعض
وهذا يوقرت الجيز كيك جاهز .. لذيذ 
اللي يشتغلون كوريين وتوهم يايين الكويت وايد حبوبين 🙂
Thanx Lee, Joy & Kang 😀
Site Link
نتشرف بدعوتكم لحضور معرضنا للدراعات الرمضانيه المميز
يومي الثلاثاء والاربعاء 28/6 – 29/6
الساعه 5,30 – 10 م
الخالدية, قطعه 1 شارع حضرموت, منزل 22
Tel : 99960609
نور وحصة الجاسم
وصلتني بطاقة دعوة لحضور حفل تخرج طالبات الصف الثاني عشر بثانوية المنصورية
فرحت وايد بهالدعوة اولاً لأني احب وايد البنوته اللي متخرجة وعازمتني ثانياً لأني كنت بمكانها يوم من الايام وتخرجت من نفس الثانوية 😀
وصلت شوي متأخر وكانت القاعة فل مشاء الله والحمدلله ان حاجزينلي كرسي ولا جان وقفت على حيلي طول الحفلة 
عريفي الحفل هم مذيعي تلفزيون الوطن سلمان النجادي و عبدالله دشتي
الحفل برعاية وزير الدولة لشؤون مجلس الوزراء علي الراشد
مع ان وايد زحمه بس مساكين تعبانين بالحفلة الزينة والتقديم والاغاني وكفاية فرحة الاهالي ببنياتهم
طابور الخريجات 
وبعدهم كانت مفاجأة الحفل وهو الفنان الشعبي بلال الشامي مشاء الله عليه شال الحفله شيل حسينا جنه قاعدين بعرس 
الورد بكل مكان وكل عايله مستانسة ببنتها والورد احلى اهداء بهالوقت
بنت علي الراشد كانت ضمن الخريجات
كل التوفيق لشواقة ربي يوفقج ان شاء الله وكل الخريجات يارب وشدوا حيلكم بالجامعه 🙂
انتاج جديد من شركة سنيار للدعاية والاعلان عباره عن اغنية للفنان بشار الشطي بها لمسة وفاء تعبر عن الحب للفنانين من جيل الرواد الراحلين والموجودين على قيد الحياة وبدعم كبير من الفنانين من جيل الشباب
الاغنية من اخرج خالد الرفاعي
Mia وصلني كرتون مياه شرب جديدة اسمها
واهي مياه امريكيه من آبار المياه الجوفيه نقيه وفيها فلورايد طبيعي كما انها خاليه من الاملاح
متوفره بأغلب الجمعيات
لخدمة التوصيل اتصل ب 55245262
