مقهى سليمان الشميمري احد المقاهي التابعة لإدارة المقاهي الشعبية .. مكان جميل لكبار السن والعوائل واطفالهم ايضاً حيث الجلوس في الهواء الطلق او بالخيمه الكبيرة او حتى بالغرفه الكبيرة العائليه و الديوانية بطبيعة الحال للرجال من كبار السن والشباب ممن يقضون اوقاتهم بين العاب الورق والتسليه او السوالف وشرب الشاي وغيره من المشروبات

وطبعا اللي وده يتعشى كل شي موجود المشاوي وخبز الرقاق المحشى وكل خير

كنا مخططين انه بنحط مده على البحر بمكان ثاني لكن المطر غَير الخطه وبالصدفه اقترحت ابله نوره قهوة الشميمري وقلنا يالله حلو نروح مكان اول مره نزوره 🙂

اول ما دخلنا شفنا وايد شياب ياحلوهم بس لما دخلنا كان في حريم وعوايل فاللي اول مره يروح لا يخترع وعلبالكم مكان بس للرياييل لا المكان للجميع وخووش مكان استانسنا عليه

من هو سليمان الشميمري ؟  ولماذا سميت القهوة باسمه ؟

هو احد الشهداء الذين قتلوا في تفجير المقاهي الشعبيه عام 1985 وكان حينها مشرفاً على هذا المقهى الذي استشهد فيه لذلك تمت تسميته باسمه

الله يرحمه ويسكنه فسيح جناته وكل شهداء الكويت الابرار وموتى المسلمين

البقالة موجودة والحلواجي بعد له فرع بالمقهى

وطبعا احلى من القعده جدام البحر بالهواء الطلق ماكووو

حزتها كان ماكو مطر الحمدلله لكن بال 9 وشوي بدت تقطر علينا عالخفيف

تحضير السفره كان على النوري وابله نوره وسوولنا جو بهالشموع .. مايلوووق قنجة وشموع لوول

النوري موجودة اذن لازم القهوه العربية موجوده ياحلوهااااا

والله ماكثر القطاوه بكل داعوس ومايخافون :/

ويانا الحجي يبيع ترمس وبنك وحب وغيره

وصار وقت الانتحار لوول القنجه تبطلت والمعدس ريحته مو صج

ابلة نوره كانت ناوية علينا معدسه ناطعه ودقوس طماط والمعابيج والاكل حااار والجو بارد يم يم من قال اكلووووا

عاشت ابلة نوره .. نجاب سنع

The Side Talk و Froyonation وخربنا

لووول طاحوله معدسه ههههههه

ومعجنات بيت بعد

وعقب العشوة السنعه طلبنا الجاي

وكرك وقهوه حلوة وجاي لومي .. صار عندنا قهوه بروحنا 🙂

علامة النصر تغلبنا على المطر وطلعنا كشتتنا وعاشوا البنات

Alnoury, Abla Noura, Q8Rain, Mira Tiger mood, Ama Traveler, The Site Talk, Froyonation & Me  😉

وما شوفهم الا فجأة تراكضوا انخشوا تحت شمسية النوري وخلوني اجكجك والله خوش قعده وخوش مكان وايد استانست عليه وان شاء الله نكررها مره ثانيه 🙂

قهوة الشميمري على البحر بجانب جسر سوق شرق