![funooncenter1](https://pinkgirlq8.com/wp-content/uploads/funooncenter1.jpg)
شخباااااري نتعنى محلات اشرطة فيديو ونشتري اشرطه الحين الديفيدي تارس السوق والبسطات عند كل جمعيه وغير جذي كومار وراجو مايقصرون يوصلون لي باب البيت لكن مو كل شي تلقونه عندهم .. الشي الطيب مو موجود الا عند الطيبين 🙂
قبل الغزو كنت من رواد مجمع النقره الشمالي علشان محل الوسام وفنون والحزام الازرق واغلب المسلسلات القديمه والمسرحيات امي الله يرحمها ويدتي شارين لي اياهم ستات كامله اصليه 🙂
ذاك اليوم كنت طالعه مع دندرمه وبنروح السالميه ومرينا صوب مركز الفنون جان تقول يبيله نمره اخذلي جم شريط بالرجعه وبعد ما خلصنا شغيلاتنا مرينا مركز الفنون
لما دخلت غرقت وسط الديفيديات @@ الاشرطة اختفوا لكن مازال مركز الفنون صامد 🙂
![funooncenter2](https://pinkgirlq8.com/wp-content/uploads/funooncenter2.jpg)
![funooncenter3](https://pinkgirlq8.com/wp-content/uploads/funooncenter3.jpg)
يا سلالالالام شوفوا الاعمال تذكرون خذ وخل ؟ سوا من الشوربه دياي 😛
![funooncenter4](https://pinkgirlq8.com/wp-content/uploads/funooncenter4.jpg)
على الدنيا السلام وكامل الاوصاف والى ابي وامي مع التحيه والدكتور من اجمل الاعمال
![funooncenter5](https://pinkgirlq8.com/wp-content/uploads/funooncenter5.jpg)
فري كويت كانت اول مسرحيه بعد الغزو الله لا يعوده وازمة وتعدي اذا ماني غلطانه سووها اثناء الغزو
![funooncenter6](https://pinkgirlq8.com/wp-content/uploads/funooncenter6.jpg)
مسرحياتي الفضله العصابه من اجمل ما قدمت مريم الغضبان الله يرحمها للاطفال يا زين الزعيمه نعيمه خف طيــــنه
والف باء تاء عجيـــــــــــبه .. بستان العالم بستان اشجار الوان والوان 😀
وقفص الدجاج وفدوه لك وغيرهم
![funooncenter7](https://pinkgirlq8.com/wp-content/uploads/funooncenter7.jpg)
شيري يا زينها ويا زين فوازيرهاصج اسطورة الفوازير بالعالم العربي ولا يمكن ايي نفسها لا بحلاتها ولا بخفتها ولا بشياكتها
![funooncenter8](https://pinkgirlq8.com/wp-content/uploads/funooncenter8.jpg)
امممم العشق الذي لا ينتهي كارتونات اول
![funooncenter9](https://pinkgirlq8.com/wp-content/uploads/funooncenter9.jpg)
افتح يا سمسم ابوابك نحن الاطفال افتح واستقبل اصحابك نحن الاطفال 😀
والله برنامج تعليمي مفيد و رائع تعلمنا منه وايد وعليه على اجيال هالايام ما لحقوا على الرقي بالطرح وتوصيل الفكره بسهوله
![funooncenter10](https://pinkgirlq8.com/wp-content/uploads/funooncenter10.jpg)
دندرمه خذت لها جم ديفيدي اما انا بسوي احصاء للي عندي وراجعه مره ثانيه 🙂
![funooncenter11](https://pinkgirlq8.com/wp-content/uploads/funooncenter11.jpg)