![chocomacr](https://pinkgirlq8.com/wp-content/uploads/chocomacr.jpg)
مطعم جوكليت اند ماكرون بوب (الافنيوز) مغيرين المنيو وضايفين عليه جم شغله يديده وبالويك اند
حبينا انا ورفيجتي ناكل لنا شي الضحى وقلنا نشوف منيوهم ونختار
احلى شي انهم حاطين بالمنيو بكل قسم صور الممثلين العرب القديمين مثل عمر الشريف وفيروز وغيرهم 🙂
واخترنا كل شغلنا كويتي الحين اقولكم شلون 🙂
منزلين بالمنيو جاي حليب على الطريقة الكويتية وقصدهم جاي حليب (كرك) ويتقدم بالمطاره مثل ما نسوي ببوتنا
ويابولي ميني مطاره شحليلها فيها حليبتي 😀
![brunchchocomacr2](https://pinkgirlq8.com/wp-content/uploads/brunchchocomacr2.jpg)
وهم ريوقنا بالمنيو اسمه الريوق الكويتي حده حده عجيب وناطع
صينية وفيها مويعينات صغار فيهم كل الخير ,, الماعون العود فيهخبيزات لبنانية وخبز فرنسي مع الزبده ومناقيش زعتر لذيذه
اما الصغار فيهم جبن مالح, لبنه, مربى نوعين برتقال وفراولة, حلوم بدبس الرمان, بيض طماط, بطاط بالزعتر, وسندويتشات عنونات فيهم جبن
وايد استانست على الريوق وانصحكم فيه صج صج ريوق كويتي بس ناقصه ادوات التغمس من درابيل ولسان الثور وشوية رهشة ويكمل 😛
![brunchchocomacr3](https://pinkgirlq8.com/wp-content/uploads/brunchchocomacr3.jpg)
![brunchchocomacr4](https://pinkgirlq8.com/wp-content/uploads/brunchchocomacr4.jpg)
يا حلوها عنونه
![brunchchocomacr5](https://pinkgirlq8.com/wp-content/uploads/brunchchocomacr5.jpg)