وصلتني امس صوغه من تركيا وبين كل الاغراض لفت نظري هالبوكس الصغير .. اعواد الجوكليت بالفستق !!
مع اني ما احب الفستق مع الككاو بس شوقني الشكل
العلبة فيها 8 حبات جوكليت
بصراحه الطعم كان فظيييييع وايد وايد لذيذ 
حبات الفستق المقطع متداخله مع الككاو والطعم واو 
وزعت ال 7 حبات الباقين على خواتي واليهال وكلهم استانسوا عليه مع العلم الاغلب مايحب الفستق مع الككاو نفسي
اللي بيروح تركيا لا ينساني هههههه
فالي ديز محل جميل في وافي مول بدبي .. اول شي شدني له الديكور يونَس والوانه
بضاعتهم من مختلف عواصم الموضة في العالم ميلانو، نيويورك، لندن وباريس وطوكيو
وهذي اسماء بعض الديزاينر اللي ايبون منتجاتهم
Betsey Johnson
Karen Walker
Alexis Mabille
Emilio dela Morena
Sass & Bide
Camilla & Marc
Sretsis
Romance Was Born
Louise Gray
Nicola Finetti
Leyendecker
Antoni & Alison
Kite & Butterfly
Arrogant Cat
فالي ديز يدعمون المصممين الاماراتيين ومن ضمن المصممين
Ghaly
Haute Vintage
Neon Edge
Nana Gai 
اللوحات تشوق
شي ونسني ولفت نظري بالمحل .. جنطة على علم الكويت الغالي ويمها جنطة على علم الامارات الحبيبة 😀 
هالروس مسوين جو بالمحل شكلهم غريب وحلو
اكسسواراتهم غريبة .. خذيت منهم خاتم وايد غريب 🙂
عندهم بعد كفرات موبايل شوارفسكي
ValleyDez, Wafi Mall, First floor, Dubai
Tel : +97143242883
FB Link
Laila Style
تقدم لكم شيلات قطن ذات جودة وبألوان جميله وموديلات جديدة
For Order Call : 66353456
احب اعتذر حق اللي راسلوني عن طريق الايميل او الكونتاكت مي ومارديت عليهم لأن الايميل فيه خلل وما قاعد يوصلني شي من 10 ايام تقريباً
فاللي دزلي ايميل ياريت يدزه مره ثانية
Contact Me عن طريق
I apologize to the people who send me emails last 10 days and i couldn’t replay becouse of a defect in the email system i didn’t recieve any of them So please email me again Via Contact Me
Thanks All
داخل الاكوافنشر كشكات كثيرة تقدم المشروبات الباردة والنفيش والذرة والناتشوز والايسكريم والفاكهه غيرها
احلى شي رقية بااااردة بالجو الحار لذيذذذذة
هذا اذا ماني غلطانة غراب وموجود بالاكوافنشر وبعدد كبير وصوته مزعج بس متعود على الناس يقرب عادي بس مو وايد 
في مطعم داخل الاكوافنشر اسمه شارك بايتس
يقدم المطعم انواع البرجر والهوت دوج والناقتس وغيرها
اذا طلبتوا يعطونكم هالجهاز واذا خلص الطلب يشب ليت ويهتز
وهذا طلبنا وصل
طلبنا جيكن برجر وايد لذيذة وترفة وبطاطهم يم يم
وجبة الاطفال
شاطيء الاكوافنشر
وفيه ممشى جدام الشاطيء
الشاطىء وايد حلوو لكن عيبة شي واحد صخور صغيره تعور اول ماتنزلون الماي فأنصحكم بجواتي السباحة علشان ما تتعورون
الشاطيء وايد حلوو وعميق 🙂
في اتلانتس تعتبر اكبر منتزه مائي في الشرق الاوسط AQUAVENTURE
بصراحه شي خيال .. اللي بيروح دبي لازم يمر اتلانتس ويخلي يوم كامل للاستمتاع بالاكوافنشر
الدخول الى اكوافنشر مجاناً للمقيمين بالفندق ويلبسونهم سوار ستيكرز للدخول وكل يوم يغيرون اللون 🙂
اما الزوار فيعطونهم سوار بلاستيك شكله نفس الساعه وياخذونه منهم اذا طلعوا
اسعار الدخول للزوار : البالغ 140 درهم – الطفل 115 درهم
المصورين بكل مكان في اكوافنشر والصورة تعتبر غاليه جداً تستلمونها داخل الفندق وبسعر 85 درهم
انصحكم تاخذون معاكم كاميرا مائية او كفر ووتر بروف لكاميراتكم وهم كفر للموبايل ضد الماي 
التيوبات متوافره بكثرة وبنوعين لشخص او شخصين 
المتعه باكوافنشر مابعدها متعه 
تشوفون المنقذين بكل مكان واغلبهم من جمايكا وكينيا ويحليلهم مادري شلون يعرفون الكويتيين واحد منهم يقولنا انتوا كويت وحده وحده وحده 😛
المنتزه من فوق عجيييب 🙂
ممر بين سمج الاكواريوم حده يوَنس
هالزحلاقيه عجيبة انا خفت اجرب خواتي رايحين رادين عليها بس وايد زحمه وطابور
خذيت هالرشاش من السيفونير شوب عجيب يبرد على الواحد 
