52 Degrees اخر مره رحت ل
شفت عندهم صواني صغار يشبهون طريقة مواعين لينوتر بديكورهم لبوفيه شهر رمضان
حجمين من الصواني الملونة تقريبا 5 الوان ازرق ووردي واصفر وبرتقالي واخضر
الكبيره = 9 دك
الصغيره = 7 دك 
كانت عاجبتني الوردية بس النقشة الوردية على الصينية الصفرا شوقتني اكثر فخذيتها 🙂
ابي يقدمون لي فيها قهوتي 🙂 حبيتها 
52 Degrees, Alshwaikh, Al Tilal Mall
شيريز فروزن يوقرت بيفتح قريباً في جمعية الزهراء
لتجربة الاطباق الجديدة Baked دعيت من قبل مطعم
من يد الشيف الرائعه فرح الفضالة اللي استقبلتنا ورحبت فينا وبدت تقدم لنا اطباقها اللذيذة واحد ورى الثاني
اول طبق كان عباره عن سلطة الربيان والزنجبيل
الطعم مو صج وااااايد لذيذة ومافيها زفره كلش والصوص اكيد له مفعول السحر بهالسلطة
انصح وبقوة
هالطبق لما حطوه بطلت عيوني !!! ليش يايبين السلطة مع سويت ؟؟؟
لما ياتنا الشيف فرح قالت لنا هذي نوع من السلطة عندنا @@ نعم ؟ طلعت سلطة 😀
سلطة بطاط مع الجبن الكريمي اللذيذ والطماط مكونات بسيطة بس الطعم خيال 
يمي يمي اخف بيتزا ذقتها بحياتي لذيذذذذذة
بيتزا مارجريتا طماط وجبن موزوريلا مع الفطر العملاق اللذيذ وايد رقيقة هالبيتزا من صج لازم تذوقونها
وصلنا للزانيا رول .. انا مو ذاك الزود مع اللزانيا
بس هذي كانت غير, حتى عند اخوان الشيف فرح اللي اقترحوا عليها تضم اللزانيا لمنيو المطعم لأنها اكلتهم المفضلة من ايدها
وفضلت انها تكون رول بدال لا تكون اللزانيا مربعه مثل ماتعودنا عليها في باقي المطاعم 
اللزانيا كانت مستوية عدل وتذوب مجرد ما تاكلها وفيها شوية فلفل مع اللحم معطيها طعم واو
برجر سلايدر يم يم .. مشروم سويس
برجر طازجه ومشروم لذيذ وخبز لين ماكو احسن من جذي
حجم البرجر مو صغير ولا كبير مختارينه متوسط الحجم
ويقدمونة مع الفرايز ونوعين من الصلصة 
والحين وقت الحلوو
تخيلوو المولتن تصير على ريد فيلفت !؟
طبق حاااااار من الريد فيلفت مع الجبنه الكريمية اللذيذة تقدم مع ايس كريم الفانيلا
طبقة هشة من الفيلفت بالخارج وطريه بالجبن الكريمي من الداخل 
جد ترى خطيرة
صديقتي المصورة فاطمة الدويسان وشوووتس لأطباق بيكد ان شاء الله بنزل صورها في بوست ثاني 🙂
بصراحة استمتعنا جداً بأطباق بيكد اللذيذة بأيد الشيف الكويتية الحلوة فرح الفضالة كل طبق يقول الزود عندي
ونفتخر بوجود اشخاص خرجوا عن المألوف ودخلوا مجالات حلوة كثيرة اثبتوا وجودهم فيها والكويتي اكيد يقدر بكل المجالات
وللشيف فرح الفضاله على الدعوة Baked شكراً لمطعم
و فاطمة الدويسان وجودكم زاد من حلاوة الاكل والقعده Dudette
Baked @ 52 Degrees, Shwaikh, Al Tilal Mall
قبل لا نقعد في لادوريه كافيه اللي كتبت عنه في بوستي اللي طاف
خذتنا مديرة لادوريه ميريام بجولة في محلهم الخاص في مول 360
المحل فيه كل ما لذ وطاب من حلويات ومربيات وانواع عديده من الشاي والككاو اضافه الى السيفونيرات من جناط التسوق والشموع 
ما لذ وطاب من الماكرون بأنواع مختلفة 
حلوياتهم اللذيذة
مادري شنو مكوناتها بس طحت بغرامها وبجربها ان شاء الله
عندهم ككاو وبتغليف راقي وايد حلو حق الهدايا والمناسبات
انواع كثيرة من الشاي
انواع المربى
بوكسات الهدايا للماكرون .. وايد حلوين يشوقون ومع الشرايط وايد راقيين
محل لادوريه في مول 360 مقابل جوسي بوتيك
خاطركم تروحون باريس ؟؟ هذا اللي صار معاي امس مجرد 10 دقايق بالسياره لي مول 360 عوضتني عن قعدة الطياره 5 ساعات للوصول للعاصمة الفرنسية باريس 😀
الحين اقولكم شلون 😛
Tea Time عزيمتنا هالمره في كافيه لادوريه و ال
الديكور الاخضر الفستقي الفاتح والاشجار الصغيرة المحاطة بالكافيه وبساطة اللمسات الفرنسية والجو البارد بالمول ومع مذاق السويت اللذيذ والقهوه الرائعه كنا فعلاً في باريس 
لادوريه مشهور جداً في الماكرون وهي حلوى فرنسيه معروفة عباره عن قطعتين من البسكوت الهش على حسب علمي مصنوع من بودرة اللوز وبياض البيض ويفصلهم طبقة داخليه طرية من بنكهات مختلفة مثل الشوكولاته او اللوز او البيري او القهوه وغيرها 
كيكة عرس فرنسيه جميلة من لادريه
كانت اول الواصلين بعدها انا وانسام واخر وحده كالعاده دندرمةDudette
والحلو بالموضوع ان مديرة فرع لادوريه ميريام شاركتنا القعده البناتيه وكانت جداً حبوبة وردت على كل استفساراتنا
وصدنا دندرمة واهي تتصفح المنيوو 
لادوريه من اقدم المقاهي في باريس بدأت عام 1862 
بعد ما قعدنا وطلبنا المشروبات الحاره اللي بنستمتع فيها مع الحلوو اللي ناطرينه
فاجئونا العاملين والشيف بكيكة بنفسجيه تينن .. عملوهااا خصيصاً لنا 🙂
هالكيكة مشهورة بلادوريه وهي ماخذة طابع الفستان الخاص بالملكة الفرنسية ماري انطوانيت شوفوا الطبقات وطريقة رسمة الكريمة عالكيكة بالضبط نفس النفنوف وتيي بألوان اربعه او 5 محددين مايصير يتغيرون ولها عدة احجام
(Dudette صورة نفنوف ماري انطوانيت بقتها من بوست ;))
كنا محظوظين بقطع كبيره من الكيكة الفرنسية الناطعه .. احلى شي انها مو مثل الكيك العادي اللي تعودنا ناكله
طعمها غريب ومزيج من وايد اشياء كريمة رازبيري على قطع ماكرون و نوقه سويت على حامض لازم تجربونها وايد لذيذة خصوصاً لمحبي الماكرون
بعدها قدمولنا انواع كثيرة من الايس كريم اللذيذ منها الجوكليت, الروز, الفيوليت, الفستق, الرازبيري, الليمون وانواع اخرى
كل الانواع كانت لذيذة .. بالنسبة لي حبيت الروز واكيد الجوكليت مايبيلة
كابتشينو فرنسي اصلي 
جاي دندرمة
بعد هالاشياء الخطيرة اللي ذقناها كانت لنا قعده مع الشيف المسئولين عن الاكل اللذيذ المقدم بلادوريه وماقصروا ردوا على كل استفساراتنا عن الكيك والاكل المقدم وتقبلوا اقتراحاتنا بكل سعة صدر
وعلى فكره اهم يايين فرع الكويت دايركت من الفرع الرئيسي في باريس 
لادوريه ماخلونا نطلع فاضين قدموا لنا جيس كبير فيه اشياء كيووووت بتغليف راقي
علبة كبيرة من الماكرون بأكثر من نوع
جار كراميل يم يم
بيض الصعوو بالكويتي حلوى باللوز باللغه العربية 😉
علب كيوت عباره عن جوكليت باودر + شاي زهرة نبات راعي الحمام + شاي لادوريه
كيوبيد كيوووت على العلبه
لادوريه بيفتح قريباً في برج الحمرا ومجمع الصالحيه
كل الشكر ل لادوريه والرائعه ميريام على الدعوه الفرنسيه اللذيذة
القعده معاكم ماتنمل استمتااااع Dudette, انسام, دندرمة
Zero Degrees frozen yogurt Opening soon @ Al-Qibla, sea side next to slider
