كرسبي كريم منزلين نوع يديد من الدونتس اسمها دونتس بوبس بكذا نكهه
وايد حلوين خصوصاً حق اليهال وحفلاتهم
جربت نكهة الفراولة حلوه لكن الدونتس من داخل كان شوي يابس
Back
ولهت على البلوق وعلى البوستات صار لي فتره مو على عادتي اسبوع ياتني فلونزا وسخونه وسدحتني وبعد ماصرت احسن و استصحيت شوي قدر الله ان ازلق ذيج الزلقه ولله الحمد اسفرت الطيحة عن رضوض قوية باماكن متفرقة وجاري علاجها
ايدي ليلحين تعورني لكن صرت احسن من اليومين اللي طافوا والف الحمدلله وان شاء الله بعوض اللي طاف وبرجع اتواصل معاكم وبقوه بإذن الله 🙂
مسائكم فل 🙂
Review : Golanar Iranian Restaurant
كل أنار وتعني زهرة الرمان بالفارسي اطلق على آخر مطعم ايراني افتتح في الكويت وتحديداً بالبدع
الديكور كان ناعم والالوان هادية من اول مادخلت حسيت اني مرتاحه احب هالنوع من الديكورات البسيطة الراقيه
المنيو منوع وفيه انواع من الكباب بأنواع الضأن والعجل او الدجاج واكيد لابد من وجود اطباق سبيشال واسماء سبيشال ايضاً 🙂
اللي اسمها منيرة واللي اسمه طلال بيستانسون 😛
عندهم سلطة منوره وكباب طلال شعليكم كشخه 😀
ضيافه ايرانية من الجبن الابيض والزيتون والنعناع اضافه للجوز
الخبز الايراني الحار اللذيذ والويتر كل شوي يحط لنا وحده يقول هذي حاره من التنور
وهذي نقطه تنحسب لهم ايضاً لانه حلات الخبز حااار
لبنهم عجيييييب حدي انتعشت منه
سلطة كل أنار مخصوص وفيها جرجير وطماط وخيار مع جبن الفيتا وعصير الليمون والعنب وقطع اللوز
وااااااااايد لذيذة
حمص ومتبل
كوبيده طلال مع عيش زعفران بالزرشك
الكباب لذيذ والعيش ناااطع
واختي طلبت مرق بامية مع العيش
اسعارهم وايد زينه طلبنا طلع 15,350 دك
Golanar is Located in Al Beda’a next to Fridays
Tel : 22263163 – 22263164
Review : @Brunch_Boutique Cafe
كنا قريبين بالديرة عندنا شغل وقلنا مره وحده نتريق برا وكان اقرب مكان برج السنابل
Brunch Boutique فقلنا نجرب الكافيه اليديد
توقعته اكبر لكن طلع عنونو ملموم وممتاز الصبح للموظفين اللي يداومون بالسنابل او قريبين وايد من المكان
استانست انه في موظفين كويتيين وصاحب المحل شاب صغير موجود ويستفسر من الناس عن جوده الاكل والمكان ومشاء الله عليه مبين متحمس لمشروعه الله يوفقه
المنيو منوع وحلو خصوصا للريوق فيه ساندويتشات وسلطات وانواع بيض وكرواسون اضافه للكريب والحلويات والمشروبات طبعا
رفيجتي طلبت كراميل مكياتو
Cheese Sandwich وهذي ال
وايد لذيذة وفريش
الكريب من النوع اللين مو المحمش لكن لذيذة واللي يعيبها انه النوتيلا شوية مو مبينه وسط عيين الكريب وبلغنا هالملاحظة لصاحب المكان 🙂
فروت سالاد صديقتنا الصحية 😀
Brunch Boutique Cafe is Located in Sharq, Abdulla Al-Ahmed Street, Al-Sanabul Tower opposite Albabtain, Mezzanine Floor
Tel : 97254108
Twitter @Brunch_Boutique
Lakeland
محل ليكلاند في المارينا مول متخصص بمستلزمات الطهي والخبز
المحل له فروع بأنحاء العالم وفيه اشياء وايد حلوة ومحبي الطهي بيستانسون عليه لأنه عنده فناتق تشوق
وحتى طريقة العرض والترتيب مغريه يعني ما تقدرين تدخلين وما تطلعين بجيس 🙂
سوالف الكيك والكب كيك وتزينها عجيبة وحتى كتب الطهي لها مكان عندهم
توستر الكب كيك .. سهاله لا فرن ولا يحترق ولا شي مجرد 10 دقايق واحلى كب كيك جاهز
اللي حبيته انهم على طول فاتحين جهاز الكب كيك ويستخدمونة ويذوقون الزباين وطبعاً هالشي يخلي الواحد يشتري واهو متطمن انه الجهاز مضبوووط
وهذا اللي سوته صديقتي من ذاقت الكب كيكة شرت واحد للبيت 😀
Lakeland located in Marina Mall, Next to Mango
Tel : 25757510
@ChocolaresAndMore Opening now @ Al Ghawali Mall
Chocolates & More من سنين اتعامل مع
احب شغلهم ونزاكتهم وطعم ككاوهم والاهم اني ادري انه ورا هالشغل الشيف عذوب النصر الله
وهالبنت مشاء الله عليها من اول ما بدت البزنس واهي مهتمه بشغلها وتقدم الافضل لزباينها
واخيراً صار لجوكليت اند مور محل مخصص لعرض الـذ انواع الككاو الفاخر بحشوات لذيذة مبتكره واشكال قمة بالرقي وان شاء الله بيكون الافتتاح الرسمي قريباً
اليوم مريت المحل القي نظره على المكان وهم علثة علشان اخذ شي يحلي اللسان 🙂
المحل هادي وديكوراته بسيطة وانيقة وشرحه
ما عليه صور الككاو تقول اكلوني وترى الطعم وايد الذ من الشكل
صاجه يا عذوب ككاو واكثر 😉
اللولي بوب شكلها وايد يشوق
حبيت هالككاو نتيفاااات جنه بنك حلوو حق طاولة التقديم
هالككاو بعد يشوق جنه ايس كريم
وحمرتهم الككاوية العجيبة 🙂 وكتبت عنها بوست- اضغط هنــا
Choco&More Located in Al Ghawali Mall opposite Al Raya
Kuwait : 99282829
KSA : +966 552463120
Qatar : +974 55886771
Site Link Instagram @chocolatesandmore