Down Town امس كان اليوم الاخير لمعرض
كنت مشغولة اول يومين ماقدرت اروح ورحت امس رغم اني تعبانه شوي اول شي علشان اخذ نظره على المعرض وشنو اليديد واكيد علشان ازور اخونا البلوقر العنون محمد فرايد جانك
وبالنسبة للتغطية ترى كلش بسيطة ماكان في بالي اصور كثر ما ابي اتمشى 😛
اول شي لفت نظري ترتيب وتنسيق المعرض وايد حبيت فكرة ان المعرض عباره عن شارع والبوثات بيوت كل بوث مكتوب عليه اسمه بطريقة حلوة وكل شارع مسمينه بأسم
بوث فرايد جانك
محمد وعيسى (حبتين) كاشخين بتاق البلوقرز
هالحلاو ماليزي كان عاجبني من زمان شايفته بالنت ولقيته بالمعرض عمار يا كويت كل شي فيج :*
Site Link
Arshion
تيشيرتات وبليزرات للشباب والبنات فناتق هاليومين سبايكس ولابوتان والذي منووو 🙂
Tel : 55668500
Twitter : @ArshionWear
Sara Secrets
عطورات ريحتهم وايد حلوة واسعارهم زينة ويقدرون يوفرون لكم عطورات على طلبكم للمناسبات الخاصة وبالطباعه اللي تبونها
Tel : 99318774
مشكورين وايد على الهدية الحلوة
Popcornopolis
البوب كورن المميز دائماً متواجدين بالمعارض الشبابية وبمنتجات اخرى بعد مثل الابل كاندي والمارشميلو وغيرها
Crazy Crepe
زرت هالبوث بناء على نصيحة من مدونة اخوي الجلاوي
وطلبت منه كريب النوتيلا
Tel : 99988243 – 60694620
Twitter : @crazy_crepe
حده حده خطير حااار ولذيذ جداً
بس نحيسين كان حده خاطري بجار النوتيلا النتفه وابي اشتريه منهم ومارضوا 🙁 ماراح اييكم مره ثانية
Nonni Chips & Sauce
عندهم شيبس ملون شكله غريب وطعمه لذيذ ويوفرون معاه 4 انواع مختلفة من الديب (الصوص) حلو حق اعياد ميلاد اليهال بيستانسون عليه
Tel : 66901153
Haunted House
ماقصروا الشباب خذونا بجولة داخل كان شوي عنونو بالنسبة حق اللي بجامعة الخليج
بوث منار
استانست على القلاصات يشوقون على نجوم السينما المصرية القديمة
بس حسافه لا عندهم كرت ولا عطتني الرقم ولا شي
Mad Sweets
عندهم نفيش مغموس بالجوكليت وايد لذيذ وبكذا نكهه
Tel : 96977949
Twitter : @madsweets_kw
PR Mini Burger
ولقينا هالولد الله يحفظة مع ارنبته وصورناه 🙂
وبآخر الجولة التقينا بالفنان المحبوب فرحان العلي .. مشاء الله عليه ملاحظته يحب يدعم الشباب ويمر على المعارض الشبابية واستغربت العاده يكون معاه سلطان الفرج هالمره بريحاته 🙂 قواك الله فرحاان
