مسرحية زين في عالم جميل العام الماضي كانت ابداع بالديكور والقصه والغناء والتمثيل نتمنى يكون تعاون زين مع شوجي الثاني بنفس نجاح العمل الاول 🙂
بانتظار مصباح زين
الفنان عبدالله الحبيل .. أين انت ؟؟
الفنان عبدالله الحبيل من الفنانين القديرين اللي اضافوا الكثير للفن الكويتي .. قريت اليوم مقالة في جريدة الوطن خلاني اتسائل وينه ؟ مختفي من فتره ما له اي اثر وهم ما اعتقد انه صرح من قبل عن نيته الاعتزال !؟
من فينا ينسى ابداعه في برنامج افتح يا سمسم وتجسيده شخصيه نعمان في احد الاجزاء .. وما زلنا نغني (انا عجيب عجيب عجيب ادق ربابة ماما وبابا يزعجوني ود وييب) اللي كان يغنيها في مسلسل مذكرات جحا .. ودوره القوي في سهرة الحرب خدعه واكيد من الادوار العجيبة كان دوره في مسلسل الابريق المكسور .. مشوار فني كبير واعمال راسخه بالاذهان
نتمنى ان نشوف عبدالله الحبيل قريباً على الشاشة بعمل قوي مثل اعماله الراسخه .. انت يا بوسلمان من الطيبين اللي فقدناهم 🙂
منتجات يدوز في حلويات واو
مخرج كارتون فريج (محمد سعيد حارب) ابتدأ بمشروع يديد اسمه يدوز واللي فهمته انه دلع او كلمه تنقال للجدة بالاماراتي وعليها رسمه اليده وعليها بطولتها (البرقع) وهو عباره عن منتجات تحمل هذي الصورة
من هالمنتجات بوكيات عباره عن علبه جميله مقسمه وفيها 4 جدور صغار ملونة فيها حلويات تراثيه
العلبة متوفره في حلويات واو بس فاضيه تعبونها من الحلو اللي عندهم
Thank You @ZafafMagazine
وصلني اخر عدد من مجلة زفاف المختصه بكل امور العرائس والحياه الزوجية اضافه الى اخر صيحات الازياء والكثير من المواضيع الشيقه
وماقصروا مانسوا يهنئوني بالشهر .. علينا وعليكم وعساكم من عوادة 🙂
وصلني مع المجلة بوكس الاسطورة جوكليت وبداخله قطع جوكليت لذيذة بأنواع متعدده
شكراً لمجلة زفاف وعساكم من عوادة
للتمتع بقراءة المجلة اونلاين اضغط هنــا
FB (Link) Twitter : (@ZafafMagazine)
دعاية الوطنية للاتصالات – قرقيعان 2012
لوول خوش دعاية استانست عليها والله صاجين الوطنية كل وحده تبي قرقيعانها احلى واغلى بس يازين قرقيعان اول لا تكاليف وشزينه ولذيذ 🙂
Lets Support #Pumps4Kids @BSCorg
منظمة غير ربحية تهدف إلى سد الفجوة بين الشركات BSC
والمؤسسات الخيرية لضمان توفير المساعدة للمحتاجين , وبسبب ارتفاع عدد الاطفال المصابين بداء السكري في الكويت تعاونت المنظمه مع جمعية الهلال الأحمر الكويتي و معهد دسمان للسكري لمشروعها الأول لجمع الأموال اللازمة لتوفير مضخات الأنسولين للأطفال المصابين بداء السكري من النوع 1 في الكويت
للمزيد من المعلومات اضغط هنــا و هنــا و هنــا
تستاهلون الدعم والمسانده وعسى الله يشافي هالاطفال ويعين اهاليهم يارب
Twitter : @BSCorg #Pumps4kids Instagram : @BSCorgKw