من المحلات اللي احب اتسوق فيها تعجبني توباتهم واكسسواراتهم وتشوقني فناتقهم Top Shop 

امس كان افتتاح الفرع الجديد لتوب شوب في المارينا مول و دعوني مع بعض البلوقرز البنات لأخذ جولة في المحل قبل موعد افتتاحه رسمياً

المحل خاص بتوب شوب بس يعني ماكو توب مان علشان جذي صاير وسيـــع وشرح وبعض القطع اللي فيه مختلفه عن باقي الفروع 

شكلي بكون من رواد فرع المارينا وايد عجبني المكان 

شوفوا الصور وبتعرفون ليش عجبني 🙂

قسم الاحذية غير غير والجواتي تكرمون اشكال والوان 

الويدج الفضي يشوق 

المكياج .. خذيت لي سيت فرش منهم وايد حلوين

الحقائب والجوارب

امممم هني هني هالقسم اللي اغووص فيه احب الاكسسوارات واستانس على سوالف توب شوب 

الخواتم عجيبيييين وايد اشياء يديدة منزلين 

Personal Shopper الشي اليديد اللي عندهم خدمة ال

موظفه مختصه تحجزون موعدكم عندها وتساعدكم في التسوق بتوب شوب تشوف شتبون وشنو اللي يناسب اجسامكم وتركب لكم القطع اللي تبونها واحلى شي انه يكون بغرفه بروحكم تاخذ وتعطي معاكم وتشربون قهوه وتطلعون منهم وانتوا مستانسين 🙂

Tel : 1821212 ext 5  اللي بيحجز موعد يتصل على 

آسيا كانت موجوده هناك وبدوره من توب شوب

كانوا مزهبين لنا مفاجأة .. يابولي تاقين الصغير اعلقه على اي قطعة حبيتها بالمحل علشان يكون موجود وقرائي يشوفون قطعتي المفضله في توب شوب المارينا 😀

والثاني مسج كاتبته البيرسونال شوبر عن قطعه معينه خاصه حقي ولازم ادورها في المحل واذا لقيتها تكون هدية لي 🙂

القطعه اللي حبيتها بالمحل .. اللون وايد عجبني والموديل ناعم 🙂

المسج كان

Im Sending a message cant you see ? i am as peaceful as can be

وبعد جهد جهيد وحوسة بالمحل لقيت القطعه 😀

ليقنز على علامة البيس 🙂

الفيش فيس كانوا موجودين وحدنا استانسنا على الصور خوووش ذكرى 🙂

بوفيه الضيافه .. كب كيك لندن زووغه 

شكراً لتوب شوب على الدعوة, فرح و بدورة وهنا مشكورين استمتعنا بتواجدنا معاكم بفرع المارينا 🙂