![BuboRest1](https://pinkgirlq8.com/wp-content/uploads/BuboRest1.jpg)
مطعم وكافيه ومحل حلويات اسباني من برشلونه للشيف كارلوس مامبل افتتح مؤخرا في الكويت bubo
اليوم زرت المطعم ووايد حبيته .. المطعم مفتوح ووايد شرح مع انه صغير واللون الابيض والاسود جميل ورغم البساطة في التصميم الا انه مخلي المكان راقي وفخم
يحوي المطعم ايضاً على جزء خاص لعرض الحلويات والمعجنات اللذيذة الطازجة
سألتهم عن معنى اسم بوبو وقالولي انه يدل على حب الطفل الصغير لكل شي صغير علشان جذي يقولون عنه بوبو اللي فهمته يعني عنونووو 😀
![BuboRest2](https://pinkgirlq8.com/wp-content/uploads/BuboRest2.jpg)
![BuboRest3](https://pinkgirlq8.com/wp-content/uploads/BuboRest3.jpg)
![BuboRest4](https://pinkgirlq8.com/wp-content/uploads/BuboRest4.jpg)
بعد قراءة المنيو وتحديد الطلبات التي كانت بين الاندلس ومالغا وكاتالونيا
![BuboRest5](https://pinkgirlq8.com/wp-content/uploads/BuboRest5.jpg)
الويتر ياخذ طلبنا
![BuboRest6](https://pinkgirlq8.com/wp-content/uploads/BuboRest6.jpg)
اخترنا من العصاير
عصير استورياس : تفاح اخضر مع قطع التفاح والبرتقال والمياه الغازية
عصير بوبو : برتقال وجزر وباشن فروت .. كان عصيري وجدا منعش وانصح فيه
سانجريا : عنب احمر مع البرتقال والليمون
![BuboRest7](https://pinkgirlq8.com/wp-content/uploads/BuboRest7.jpg)
![BuboRest8](https://pinkgirlq8.com/wp-content/uploads/BuboRest8.jpg)
التاباس وهو تشكيلة متنوعه من المقبلات من المطبخ الاسباني مصممه لاجل تشجيع الناس على المحادثة بدل التركيز على الاكل فيجب على الشخص طلب ما يقارب 3 الى 4 اطباق من التاباس للاستمتاع .. واكيد تاباسهم بأحجام بوبو (عنونه) علشان جذي طلبوا اللي تبونه 🙂
وندخل على التاباس ونبدي بالشوربات
تجربة شوربة غزباتشون وهي عباره عن مكس الطماط والثوم والفلفل الاخضر مع زيت الزيتون
ويقدم هالنوع من الشوربة بارد لكن بالكويت يقدمونه دافي .. بالنسبة لي ما حبيته وايد يمكن علشان مو متعوده على هالنوع من الشوربات
الشوربة الثانية اسمها اخو بلانكو واصلها من مالغا شوربة لوز مع الثوم والخبز وزيت الزيتون والعنب اضافه للخل و صديقتي وايد حبتها وامدحتها
![BuboRest9](https://pinkgirlq8.com/wp-content/uploads/BuboRest9.jpg)
سلطة الروكا عندهم غير لذيذذذذة وغريبة مكوناتها الجرجير والتفاح مع جبنة الفيتا وجيلي التوت مع كافيار خل البلسمك
![BuboRest10](https://pinkgirlq8.com/wp-content/uploads/BuboRest10.jpg)
حبيت افكار المطعم تشوق ومن الاشياء الغريبة انه طلبنا بعض المقبلات اللي لازم يقدمون معاها انواع من الصوص
وكانت هالانواع على شكل معجووون زووووغه
![BuboRest11](https://pinkgirlq8.com/wp-content/uploads/BuboRest11.jpg)
طبقات الطماط وجبن الموزريلا مع صلصة الريحان وزيت الزيتون
![BuboRest12](https://pinkgirlq8.com/wp-content/uploads/BuboRest12.jpg)
برافاز وهي بيبي بوتيتو بالقشره مع صلصة الرومسكو
وايد لذيذ ومنوو ما يحب البطاط شلون لوكان نتيفه وبوبو 🙂
![BuboRest13](https://pinkgirlq8.com/wp-content/uploads/BuboRest13.jpg)
كوجاك .. كرات جبن الماعز بصلصة التوت على شكل لولي بوب
![BuboRest14](https://pinkgirlq8.com/wp-content/uploads/BuboRest14.jpg)
عجينة الكروكيت محشوة بالفطر السبس الاسود على مربى البصل اللذيذة يم يم كانت عجيبة
![BuboRest15](https://pinkgirlq8.com/wp-content/uploads/BuboRest15.jpg)
ميني برجر .. تقدم قطعتين احدها برجر دياي مع الثوم والبقدونس والخس وكريمة الجبن بالاعشاب ومربى البصل انا جربتها وايد لذيذة بس الخبز نوعه شوي يابس يبيلها تكون اطرى شوي
والقطعه الثانية برجر لحم مع الكراث والخس والطماط والمايونيز اضافه للمشروم وكاتشب الفاكهه الحمراء اللي يتميزون فيه بوبو
![BuboRest16](https://pinkgirlq8.com/wp-content/uploads/BuboRest16.jpg)
باييلا ثمار البحر وهو طبق ارز تقليدي اسباني بالزعفران مع الحبار والربيان
رغم اني ماني من ربع السي فود الا الربيان لكن حبيت هالطبقين السي فود وايد وايد
![BuboRest17](https://pinkgirlq8.com/wp-content/uploads/BuboRest17.jpg)
فيدووا وهالطبق كاتالوني عباره عن شعرية مع الخبار والربيان وصلصة الثوم والزيت
عجيب صج صج فدوه 😛
![BuboRest18](https://pinkgirlq8.com/wp-content/uploads/BuboRest18.jpg)
كنت انطر هالبارت لأن من دخلنا وانا مشوقني السويت
طلبت كابتشينو وصديقاتي طلبوا كورتادو وهو نوع من انواع اللاتيه
![BuboRest19](https://pinkgirlq8.com/wp-content/uploads/BuboRest19.jpg)
Ling hazelnut واول اختيار كان لكيكة البندق
يم يم يم يم اختيار موفق موفق طعمها خيال ثقيلة لكن عجييييييبة
![BuboRest20](https://pinkgirlq8.com/wp-content/uploads/BuboRest20.jpg)
Saint honore raspberry والاختيار الثاني على
هم كانت رهيبة
![BuboRest21](https://pinkgirlq8.com/wp-content/uploads/BuboRest21.jpg)
Sacher الاختيار الاخير من نصيب
كيكة جوكليت بطبقات يميميه 🙂
![BuboRest22](https://pinkgirlq8.com/wp-content/uploads/BuboRest22.jpg)
وهذي صور من مكان عرض الحلويات
![BuboRest23](https://pinkgirlq8.com/wp-content/uploads/BuboRest23.jpg)
![BuboRest24](https://pinkgirlq8.com/wp-content/uploads/BuboRest24.jpg)
![BuboRest25](https://pinkgirlq8.com/wp-content/uploads/BuboRest25.jpg)
![BuboRest26](https://pinkgirlq8.com/wp-content/uploads/BuboRest26.jpg)
بوبو مشهورين بمارشميلو الفواكهه الطبيعية بسبع انواع مختلفه لذيذة قدمولي نوعين احدهم كان على تفاح وايد لذيذذذذ مع اني مو ذاك الزود مع المارشميلو لكن صج صج مو طبيعي
ويقدرون يزينون المارشميلو للاستقبالات وحفلات الزفاف وشكله بيكون الفنتق اليديد بالكويت 🙂 شي راقي صراحه وشكله حلو
![BuboRest27](https://pinkgirlq8.com/wp-content/uploads/BuboRest27.jpg)
على الاستضافه الجميله والاكل الاسباني اللذيذ وتعريفنا بمطعمكم الراقي Bubo شكراً لمطعم
المطعم يقع في القبلة, شارع ابو بكر الصديق, برج الغنيم خلف الشيراتون ومقابل مجمع الوطية مباشره
Tel : 22288100
Site Link Twitter & Instagram @Bubo_q8