لطيفه بوب منزلين انواع حلو يديده واقصروا دزولي نوعين من الانواع اللي عندهم

المارشميلو بانواع متعدده مثل السنيكرز وجوز الهند والدايجستف والاوريو والتويكس والنوتيلا والفراوله

ومسويتهم كيوت على شكل ورده وشغلها مرتب

حجمها وايد زين

انا مو ذاك الزود مع المارشميلو بس طعمها حلو وبالدوام وايد عجبهم المارشميلو

اما البوكس الثاني كان فيه بسبوسه واهي من الحلويات اللي احبها ومو الكل يضبطها

بسبوسه بالقشطه خفيفه وفلافي وكميه القشطه مو وايد واضحه وهذا بالنسبه لي ممتاز ماحبها مدجوجه قشطه
وناشفه ومهيله ومزعفره شي طيب
مادري ليش حسيتها خليط من البسبوسه وقرص العقيلي

For Order : 99379114
Instagram @LatifahPop

بآخر زياره لملتقى كويتي وافتخر تذكرت بوست لحبيبتي ام جوجو سويره
عن بوث يبيعون دولمه او ورق عنب بس بطريقه يديده وشبه يابانيه
وايد مدحت شغلهم فقلت لازم امر اجربه دام اني قريبه

قلت لها ابي دولمة بالبقصماط
ونطرتها تجهز لي الطلب
العلبه الصغيره بقيمه ٣ دك

علبه مرتبه ومعاها چوبستك

وداخلها نوع من الصوص وخذيته على تمر هندي وماقصرت اللي تبيع قالتلي جربي بعد الباربكيو والسويت شيلي وحطتلي اياهم

الدولمه نتيفات يشوقون

الطعم قوي قوي وطيب وكل نوع من الصوص له لسعه خاصه ومذاق عجيب
انصحكم انصحكم وايد

يم يم مقرمشه من برا وطيبه وطريه من داخل

For Order : 50569111
Instagram @dolmakai