في كل سنه الكل ينتظر حفل الاوسكار علشان نشوف اللوك اللي بيظهرون فيه النجمات
بالنسبه لي تعجبني الفساتين الناعمه وهالسنه اللي حبيت لبسها اكثر شي كانت
maria menounos
نجمات الريد كاربت هالسنه 🙂
دلـة يتــوق الاوتوماتيكية
القهوه العربيه من الاشياء اللي ما استغني عنها
ما كنت جذي قبل جم سنه بس هالسنتين الاخيرين حبيتها بزياده مادري ليش !
يتــوق (شركة عبدالمحسن الصبيح للتجاره العامه والمقاولات) ما قصروا امس وصلتني منهم الدله الاوتوماتيكيه لتجربتها
توقعتها صعبه لكن لما استعملتها بصراحه سهاااااله وبما ان في البيت اكو من يسويها
فالمكان الصحيح لها بالدوام على مكتبي 🙂
خلوني اقولكم شوي عن مواصفاتها اللي منها السرعه فبخلال ٥ دقايق تكون قهوتكم جاهزه والابريق سهل التحريك ومقاوم للصدأ وقاعدته قابله للدوران وايضاً تنظيفها سهل جدا حتى الفلتر متحرك وقابل للغسل وامنه جدا بوجود خاصية الايقاف التلقائي عند نفاذ الماء او ارتفاع درجة الحراره
وصلني مع الدله ٤ انواع مختلفه من القهوه
* النكهه الكلاسيكيه
* الخلطه الخاصه
* شذا الزنجبيل
* دفء القرنفل
الاستعمال سهل جدا حاطين لكم بالورقه داخل كرتون الدله كل مقدار ماي وجم تحطون له قفشة قهوه
مجرد تضيفون القهوه بالمصفاة وبعدها الماي وتحطون الوقت اللي يناسبكم انا حطيتها ٥ دقايق وشغلتها وبعد ماخلصت ال٥ دقايق طلع صوت تنبيه الايقاف وكان الطعم طيب
فيديو يوضح سهالة استعمال دلة يتوق
للطلب اتصل على ٩٩٩٠٠٦٣٦
Instagram @Yatooq_kwt
Site Link
Mauboussin Event
حضرت قبل اسبوعين تقريباً برانش مجوهرات موبوسان في فوشون الافنيوز
الايفنت كان هادي وراقي من تنظيم الاخت عبير العبدالجليل
تم عرض اخر مجموعه جديده من مجوهرات وساعات موباسان اللي حملت الذوق الكلاسيكي الجميل بألوان الاحجار الهاديه وبقصات انيقه
استقبلونا بجوري احمر
وكان ترتيب الطاولات عجيب
واحنا قاعدين كانوا يعرضون لنا المجوهرات الجديده
بعض الخواتم من مجموعة موبوسان
الساعات
Mauboussin is located in The Avenues, Prestige , first floor
Tel: 22200820
Instagram @Mauboussinme
يوم العيد الوطني !
صار لي تقريبا ٣ سنوات اطلع بالعيد الوطني مع شيوخ صديقتي وعساها عاده ماتنقطع يارب
هالسنه قلنا بنغير وبنفرش مده على البحر وناخذ اليهال يستانسون دام الجو حلو
والله خذينا مدتنا وشغلنا واعلامنا وجاينا وحبنا ورشاشات اليهال وقعدنا صوب فرايديز
خووووش قعده والله لوما لويه اليهال الله يحفظهم وصراخنا عليهم
يازين كشخه العيد الوطني 🙂
تسلم ايد من صب لنا الجاي 🙂 عاشت نوال
و رش لا ترش هههههه مادري شنو اللي يونس بس دامها مستانسين عليهم بالعافيه
احد جنود المسيره 😛
يحلوه اسمه الجابر حطيت صورته بالانستغرام وامه عرفته 🙂
اللولو مكيفه الله يحفظها
بدعت بريال مصري فقير مار سبحته ومستاااانس يضحك لما اعتذرت منه
جوجووو بنت شيوخ مع الويهه ترشش بعد مال عض هههههه
السيارات اشكال والوان كل واحد متفنتق
بس كل سنه كانوا اكثر مادري ليش هالسنه بس قعدنا على الشارع ماتمشينا
رفرف يا علم بلادي
يني المسيره
السياره تشوق مترووووسه اعلام ماشاء الله
صار عرض للطائرات العسكريه بس حسافه مالحقت الا على هذي وايد سريعين ماشاء الله
وكان العرض صوب البحر واحنا قاعدين صوب الشارع 🙁
عقب طق علينا مطر وخفنا يزيد فشلنا غريضاتنا ومشينا حسافه ولا القعده كانت عجيبه
عاد رحت شوي صوب الشاطيء قلت يمكن الحق على طيارتين ولا مخلصين وانا متفرغه ههههه
خذيت صورتين للابراج الله يفك عوقها ويصلحونها وترد نفس اول
مشينا من البحر رحنا برج الحمرا حاطين مجسم عجيب يشوق يشبه مجسم اي لوف يو في نيويورك
بس مكتوب عليه
I♥KW
والناس توقف تصور معاه للذكرى 🙂
فكره رائعه من ادارة برج الحمرا صراحه
وقفنا سيارتنا ونزلنا صورنا ومشينا
وهذي صوره حبايبي زبابيطنا 🙂
Dubai Miracle Garden
ويقولون ليش نحب دبي ؟؟؟ ماشاء الله عليهم تجدد دائم وعارفين شلون يسوون مشاريع يجذبون فيها السياح
كل سنه نلقى شي يديد يخلينا نتعنى ونشوف شنو اللي مسويته دبي
عسى الله يبارك لهم ويوفقهم ويهدي اللي عندنا ويتعلمون
هالسنه كان بخاطري بآخر زياره لدبي اني اروح الميركل قاردن بس ما الله كتب لكن اختي الاسبوع هذا كانت هناك وحبيبتي ماقصرتي صورت لي بعض اللقطات للمكان وتقول وايد حلوه تبارك الرحمن
تتميز الحديقه بوجود أكثر من 45 مليون زهرة مزروعه في تصاميم مذهلة، واشكال وهياكل جميله ب 80 لوناً لزهور تزرع لأول مرة في منطقة الخليج اما مساحة الحديقه فتبلغ 72 ألف متر مربع
الدخول بمبلغ ٣٠ درهم للشخص ومجانا للاطفال ٣ سنوات واقل
اتركم مع صور الحديقه
وهذا فيديو يوضح الحديقه اكثر
تقع حديقة ميركل جاردن في منطقة المرابع العربية على طول طريق الشيخ محمد بن زايد
Site Link
February Fash Box
سبق اني تكلمت عن طبيعة الاشتراك في فاش بوكس والعلبه اللي توصلكم كل شهر فيها بعض مستحضرات التجميل وغيرها للتجربة
اضغط هنــا
علبة شهر فبراير كانت غير والثيم كان كله حق عيد الحب مع انها وصلتني متأخر شوي 😉
بس الحب كل يوم مو بس يوم 🙂
اول مابطلت العلبه كانت مليانه بكور حمره تشوق
وهالمره الحلو انه كل الاغراض بالحجم الطبيعي العادي مو حجم التيستر
الاغراض اللي وصلتني هالمره
*Mai Couture Studio City – Blush Papier
منتج يديد وعملي عباره عن دفتر صغير عباره عن بلشر وناسه بدون فرشه ولا شي سهااااله اخذي الورقه ولطخيها بويهج تطلع اللون عجيييب حبيته
*Argan Oil Morocco (dry body oil)
زيت خاص للجسم الناشف يعطي طراوه
* Black Radiance Indelibly Sheer Lip Tint 3704
خوش حمره لونها وايد عجبني بين الوردي والاحمر
* Rimmel London Nail polish 620
صبغ اظافر لونه احمر من ريميل
* Palais Des Rois Chocolate
قطعتين من الجوكليت
اسعار الاشتراكات كالآتي
3 Months Subscription 24 KD 8 KD per month
6 Months Subscription 45 KD 7.5 KD per month
12 Months Subscription 84 KD 7 KD per month
وقراء المدونه لهم خصم خاص ٢٠٪ بس كتبوا هالكود
PINK20
Tel : 99920769
Instagram @Fashiliciouskw