تنظيم رائع رائع رائع للالعاب النارية بإحتفال مرور 50 عام على المصادقه على دستور دولتنا الحبيبه الكويت

للامانه ماكان في مخططي لليوم اني احضر الاحتفال مع ان خاطري خاطري اروح لكن كنت معطيه كلمه اني احضر ايفنتين وبسبة الزحمه حضرت واحد ومنعتني زحمة الديره من الوصول للايفنت الثاني فقررت اني القى مكان اصور فيه الالعاب النارية

فكرت في سطح بيت يدتي لكن في بيوت جدامها بيسكرون علي الفيوو امممممممم عرفت وين 🙂

لقيت مكان زوين و واسع وبعيد عن اللوية وسفطت سيارتي بعد ما شريت عشاي وقررت اقضي وقت ممتع مع نفسي وكاميرتي والراديو والالعاب النارية 😀

وانا احوس بالانستغرام حصلت خوش صورة بأكاونت اخوي فرانكوم وصورتها مع الحدث

شوفوا المكان شحلوة 🙂 

ومن كثر ما اشتطيت وحبيت العرض بطلت فتحة السياره وتعلقت فوق وهات يا تجكجك .. بعيد بس مستمتعه والله 🙂

يا زين الكويت ويا زين اهلها اللي طالعين من كل صوب يبون يشاركون بهالاحتفاليه اللي تبرد القلب .. عسى الله يزيد عزج يا كويت ويارب نكون دايم بأفراح واستقرار والفرحه ما تفارق ويوهنا بعز شيخنا بابا صباح الغالي

والحمدلله سجلت الكويت رقم قياسي في موسوعه غينيس للارقام القياسيه بأكبر تنظيم للالعاب النارية بواقع 77 الف و282 مقذوفه نارية 🙂 

اخليكم مع الصور وتابعوني لأنه خواتي كانوا بالاحتفاليه واختي الصغيره حبيبة قلبي ماخذه كاميرتها تصور من قلب الحدث لكم

ترقبوا البوست الثاني 🙂

ونوثق الحدث بالفيديو 🙂