كشف البنك المركزي الستار عن الاصدار الجديد للعمله في دولة الكويت والتي سيتم تداولها اعتبار من ٢٩ يونيو القادم
يذكر ان العمله الجديده صنعت من مادة بلاستيكيه مقاومه للحراره والماء وغير قابله للتمزق والتزوير
شرايكم ؟
انا استانست على الالوان مع انهم يشبهون اوراق لعبة المونوبولي 🙂 بس ان شاء الله نتعود عليهم
وانا اتمشى امس بالافنيوز لاحظت انهم اعادوا افتتاح ستاربكس اللي مقابل اچ اند ام في فيز ١
بعد تجديده بالكامل
طريقة الديكور والاثاث صارت غير وتشبه شوي فرع المارينا مول
صار وايد اشرح بس حسيته صغر شوي !
حضرت الاسبوع اللي فات افتتاح مركز باڤاتي للتجميل
كان الافتتاح بحضور النجمه اللبنانيه مايا دياب
وعلى حمام السباحه كان الجو جميل جدا
الفنانه فاطمه الصفي والحبيبه هلا بوالحسن
الفنانه مايا دياب
Pavati is located in Al Shaab next to Al shaab Park, Mermaid Tower, floor 1/2
Tel : 66957870 – 22022113
Instagram @PavatiQ8
وصلتني نقصه طيبه من شركة هنوفود للشيف الجميله هنوف البلهان
كانوا مخيريني بين برياني الدياي، اللحم او الربيان
وطبعا اخترت دياي 🙂
شغل عجيب البرياني بجدير عنونو ومغطى بعجين علشان يحتفظ بنكهته
ومعاه مرقته والچتني
البرياني وايد لذيذ وريحته خنينه
Tel : 90028624
Instagram @Hanoufood @ChefHanouf
حضرت يوم الاربعا اللي طاف امسية غنائيه للفنان العراقي ياس خضر في المركز الامريكاني الثقافي التابع لدار الآثار الاسلاميه
كانت الامسيه مختصه بالاغاني العراقيه بالسبعينات
دار الاثار كل فتره تقيم مثل هالامسيات الجميله الراقيه لمحبي الفن الاصيل الكويتي والعربي وتكون مدة الامسيات ساعه فقط
الافتتاحيه ودخول الفنان ياس خضر
عزاز
مرينا بيكم حمد
ياعزيز الروح
بعض الاغنيات
وصلني الاسبوع اللي طاف عشا مرتب من المطعم الهندي كاري هاوس
الباكيج كان شغل عدل مرتب والتغليف نظيف وحاطين معاه القفاش وملحقاتهم
الدال او العدس كان وايد لذيذ
تندوري دياي
هالمرقه مادري شسمها بس لذيذه وفيها طعم سويت ودياي
وهالطبقين بعد بس ماجربتهم ومع الاسف ماعرف الاسامي
برياني دياي
Tel : 22266550
Instagram @CurryHouseKwt