قبل يومينSisters Beauty اطلقت المدونة مسابقة اربح مـع
وبمشاركة 98 قارئة 🙂
اما السؤال واجابته الصحيحه كانت
شنو اسم الماركة اللي يستخدمونها صالون سسترز بيوتي للعناية بالشعر ؟؟
Dancoly الجواب هو ماركة
لأختيار رقم الفائزة عشوائياً Random.org تم اختيار موقع
Amani الفائز بالجائزة (باكيج الريد كاربت) هو رقم 91 .. المتسابقة
الف مبروووك للفائزة .. الرجاء سرعة الرد على رسالتنا عبر الايميل
موعدنا الاحد القادم بإذن الله لمسابقة جديدة 
رفرف رفرف يا غالي رفرف دايما للعالي
يا رمز الاستقلال حولك كلنا تجمعنا
احنا بالميدان اسود وعنك بالارواح نذود
وبهمه اميرنا العود ساكن المجد بدولتنا
في عهده شفنا الافراح والقلب تهنا وارتاح
فجر النهضة بنوره لاح يوم ارتفعت رايتنا
صور من الانتخابات في الدائرة الثانيه .. المنصورية – القادسية – الشاميه – ضاحية عبدالله السالم و النزهه 
ما احب السياسة ولا افهم فيها ولا اعرف لها لكن احب الكويت وعلشان الكويت لازم نصَوت لأختيار الافضل ليمثلنا تحت قبة البرلمان
ملينا من الكلام والقيل والقال ملينا تراجع الديره للخلف بدال التقدم خطوه للامام نبي ناس تدفع بعجلة التقدم وتخلي الكويت عروس الخليج مره ثانيه
لازم الكل يصوت الله يخليكم لا تقولون فلان ولد قبيلتي ولا فلان من طائفتي ولا ولا ولا .. صوتوا للي يخاف الله ويشوف الكويت امامه بدون تفكير بمصالحه الشخصيه
الكويت امانه بيدكم وربكم بيحاسبكم عليها
ساعات قليلة تفصلنا عن صندوق الاقتراع ..قادمون للاختيار يا كويت الخير
دعاء انتخابات 2012 – الشيخ صلاح الهاشم
بمولات البحرين شفت اشياء عجبتني واشياء عجبت خواتي شي خذيته وشي لا
صورت لكم بعض الاشياء من جولتي في سوق البحرين
في مودا مول ببوتيك لوي فيتون منزلين جواتي تكرمون بألوان صيفيه وهالجوتي بقاعدته الخشبيه وشفته قبل جم يوم في البوتيك بالكويت
بوتيغا
ألوان الصيف تشوق الفوشي والبرتقالي زوغه
بوتيك فان كليف عندهم عجيب
وايد حبيت هالسلسة وقيمتها 7710 دينار بحريني
بوتيك فيندي اكسسواراته تينن
خواتمهم التوينز ناعمين وموجودين بالكويت بعد
هالجوتي هبة هالايام وبألوان مختلفه
ايرمز عندهم صغير مافيه اشياء وايد بس حبيت الحزام الابيض نااااعم
J Boutique هالجاكيت من محل
واايد راقي حبيته من اول نظره بس مقاسات ماكو 🙁
فيرساتشي حبيت هالجنطة وحصلتها بالكويت نفس الموديل بنقشه ثانيه بلون اصفر وايد ناعمه
هالجناط كان عليهم سيل 
هالموسم عمليين D&G جناط
هالبراند لقيته في ساكس فيفث افنيو بسيتي سنتر تكرمون الجواتي على احرف عربيه
حتى الدشاديش صاروا موديلات واسم ماركته توبي ومو هينين فوق ال 100 دينار سعرهم
هالبلوزة ناعمه بس سعرها حسيت مبالغ فيه مايسوى 133 د ب
Diane vonFurstenberg
Butler & Wilson هالجناط زوغه ماركتهم
بحوالي 200 وشوي بحريني بمحل بمجمع السيف مقابل كافيه مايا
جواتي ناعمين من تومي 
تشكيله كبيرة من جواتي ماركة ميليسا للكبار والصغار بمحل نوف بسيتي سنتر والسيف
بمجمع العالي Pink جوتي بوتفخه غريب بمحل 
سوارات على فراشه ناعمين
وآخر شي جناط بحبك للفلنتاين نسيت اسم المحل لوول بس بمجمع جيان 😛 
من المطاعم اللي نحرص على اخذ الفطاير منها في (السعودية)وتحديداً بالخبر مطعم حدائق دمشق
احلى فطاير سبانخ ناخذها منهم وبصراحه ما قمنا ناخذ غيرها من كثر ما اهي حلوة ونزيد الطلب جيلتين حق الطريج والديره بعد تصير الذ والذ 
هذي الفطيره واعتقد يسوونها بالصحين الاسمر
السبانخ ناطعه والحموووضه عجيبة
ولد اختي طلب بيتزا وعجبته 
مطعم حدائق دمشق في الخبر تقاطع شارع الملك فهد مع الشارع العاشر
Tel : 03 8942854
