أمس وصلت البيت ولقيت هالجيس معلق على باب غرفتي .. كفرين لأيباد 2 بألوان تشوق وردي وبنفسجي وحماية للشاشة 
وهالشاذي الظريف .. اهو عبارة عن مجفف لطلاء الاظافر يحليلة ينفخ هوا من حلجة على الظفر علشان ينشف 🙂
شكراً أخ احمد على هالهدية الحلوة وعسى ربي يوفقك
اللي وده بنفس هالكفرات والدراير يدخل على بوستي السابق – اضغط هنـا
كنت منزلة بوست عن وليم جوكليت كيك من لينوتر .. رفيجتي شافت البوست وطلبت الكيكة لعيد ميلاد صديقتها في الدوام
Happy Birthday Fatima 😀
وحبت تشارك بالصور ورايها عن الكيكة 
الكيكة غنية بالككاو كون مكوناتها كلها عبارة عن الشوكولاته والبسكوت .. تقول عكس ماكنت اتوقع وايد خفيفة ولذيذة جنها كيكة بيت 🙂
لمحبين الككاو لازم تجربون كيكة وليم واللي مو عارف ليش سموها هالاسم .. لأن الامير وليم من صغره يحب هالكيكة وحتى بعرسه طلب انه تكون كيكته هي كيكة الجوكليت بسكت
الآن في الكويت بفرع الافنيوز ومارينا مول والسالمية H&M Cosmetics
اندلع حريق مساء امس في احد محلات مجمع الفنار بالسالمية .. يقال بأن الحريق ابدأ من احد اعلانات المحل وامتد الى باقي محتويات الواجهه والمحل من الداخل
تذكرون خاتم خطبة الاميرة ديانا ؟ بو فص ازرق اللي دار مداره الماس واللي اهداه الامير وليم كخاتم خطبة لكيت ميدلتون ؟
الله يسلمكم بعد العرس بلندن وامريكا صارت هبتهم هالخاتم الكل لبسه بس طبعاً مو الصجي اكسسوار
بالدوام واحنا نحوس انا ورفيجاتي نشوف الاغراض اليديدة بأمازون شفنا اكثر من شركة طارحه الخاتم وبأسعار مختلفة وصارت السالفة ضحك وقلنا مادام رخيص خل نطلب
امس وصل خاتمي بعلبة خضرا صغيرة
ولاحظوا اسم الخاتم على التاق .. خاتم خطبة ديانا 🙂 
والله شحلوة ماتوقعت يكون ذرب وحلو جذي نااااااازك
Price = 14,99$
