ناس وايد مدحولي هالكافيه وقالولي لازم اجربه PappaRoti
الكافيه يقدم نوع واحد من الخبز الطازج مغلف بالكرمل ومن داخل فيه زبدة طعمها غريب ولذيذ
الخبزة مو طبيعية لذيذذذة ولينه تهبل
يقدمون هالخبزة مع عدة انواع مشروبات حاره مثل الكرك او الجاي الاخضر او الهوت جوكليت وغيره
انا اخترت الكرك .. عجيب 🙂
اللي رايح دبي لازم يجرب هالخبزة الناطعه 
باباروتي .. دبي مول – الطابق 2 مقابل صالة التزلج
الاكواريوم من المرافق المهمه داخل اتلانتس .. وايد حلوو وفيه اكثر من 30 نوع اسماك
مجسم كامل لفندق اتلانتس ومرافقة
الاصانصيرات
الممر المؤدي الي غرفتنا 
اول مادخلنا مرحبين فينا في شاشة التلفزيون
احنا ماخذين غرفتين ديلوكس مفتوحين على بعض وحده فيها سرير كامل والثانية سريرين بس سرايرهم وايد كبار 
خدمة الانترنت غير مجانية .. طريقتهم تدفع باليوم الكامل 24 ساعه = 99 درهم
مكرم السامع الحمام مفتوح على الغرفة 
عجبتني تقسيمة الحمام تكرمون مخلين الشاور بروح والبديهات بروح والمغسله بروح
لكن في شي مهم ماحبيته وهو عدم وجود بربيش او شطاف مادري شيسمونه يعني لازم تكونون حاسبين حسابكم بالابريج 
ماي الصحه متوفر مجاناً يعني ماله داعي تشترون ماي من برا 
كل يوم سلة فاكهه ضيافه من الفندق
عدة القهوه متوفره كامله ومجاناً 
الاوتي والسشوار موجودين بالكبت
المنظر اللي تطل عليه غرفتنا
شي لازم يذكر ويحسب لإدارة الفندق .. كلمتني العامله المسئولة عن تنظيف غرفتنا اذا ناقصنا شي او مو عاجبنا شي فقلت لها عن بربيش الماي الغير متوفر
انصدمت انه بنفس اليوم العصر ياني عامل قالي انا ياي اركب بربيش لكم @@ الصراحه ماتوقعت هالشي بس يعطيهم العافية هالاداره اللي عارفه شلون تكسب الزباين وتوفر سبل الراحة لهم
بوستي عن الفندق خلص لكن في بوستات عن مرافق الفندق من مطاعم واكوافنشر وشاطيء وغيره لكن حبيت انبهكم عن شغله وحده
وهم اتمنى ادارة الفندق تحطها بعين الاعتبار
بصراحه ايجابيات الفندق اكثر من المطلوب لكن السلبيات شي واحد بنظري اهو خدمة الجيك اوت تخيلوا اكثر من ساعة قاعدين بالغرفة ننطر عامل يشيل جناطنا ويجيك على الغرفه !!!
تأخرنا على المطار والسبه قلة عدد عربانات شيل الجناط !! اللي بيروح الفندق لازم يتذكر هالشي نزلوا جناطكم قبل الموعد بساعتين خلوهم باللوبي ابرك من النطره ومحاتات الوقت
الامارات وتحديداً دبي ديرة احبها وايد .. ونيسة وكل افراد الاسره يستانسون فيها وقريبة
قررنا نقضي عطلة قصيرة في دبي واخترنا اتلانتس مقر اقامتنا
كنت رايحه من قبل زياره للفندق لكن ماشفت الغرف ولا تفاصيل الفندق كلها .. سويت سيرج بالنت وماحصلت تقرير يبرد جبدي الا تقرير اخوي بوحسون في منتدى العرب المسافرون
هالبوست بكتب فيه عن الفندق والغرف وان شاء الله في بوستات يايه عن مطاعم الريوق والاكوافنشر والشاطيء وغيره
وصولنا كان الظهر وفيه شوية رطوبة هفتنا 
اول مادخلنا استقبلونا بفوط مبلله وماي باااارد وقهوة وتمر 
الريسبشن كان وايد زحمة (هالصورة ثاني يوم) وقفنا دور 10 دقايق تقريباً واستلمنا كروت الغرف ودفعنا 1000 درهم تأمين
ماعتقد منظر اللوبي غريب عليكم الكل اكيد شايف اتلانتس ونافورته الحلوة الملونة 
سوق اتلانتس صغير وفيه مجموعة من الماركات ومحل لبس اطفال وبوتيك بورشيه وبتيل للتمور ووجوه وغيرهم
اضافه لستاربكس وجولد ستون 
وهذا محل سيفونيرات وسوبرماركت صغير فيه الاشياء المهمه مثل الشابوهات والككاو وكتب وغيرها
السبا
كافيه يديد في الشعب البحري ButterCup
المكان وايد صغير هادي وحلوو وديكورة يونس وفيه ارفف فيها كتب طبخ كثيرة اللي عنده هواية الطبخ وايد بيستانس مع كوب كوفي وقطعة سويت 🙂
طريقة عرضهم للسويت تشوق
وعندهم انواع من الكب كيك والمافنز والجيز كيك والترايفل والكوكيز والتارت 
منيو المشروبات
اخترت ميني كب كيك ريد فيلفت عنووونة
كان طعمها وايد لذيذ سوفت ولينه وفريش .. حبيتها 🙂
Urban Moon اذا عندك ايفون ومنزل برنامج
بمجرد ما تراويهم اياه تحصل على بوكس حلويات مجاناً منهم 🙂
الشعب البحري – مقابل كرمبز
Tel : 22621232 – 22646635
Site Link
Welcome 10.Oh.8 Restaurant in Sharq, Kuwait. We serve comfort food in distinctive styles of our own; with a cause.
The cause changes every three months to reflect the changing seasons and to serve a greater good. A percentage of our proceeds goes to charity.
Come on in and eat for a cause
Tel : 22479371, 22479372
FB Link
Twitter @10oh8
Millions of MilkShakes سيتم افتتاح
بتاريخ 14 اكتوبر في دبي مول بحضور النجمه كيم كاردشيان التي ستعد مشروب الميلك شيك لمعجبينها
وهذه الزياره تعد الاولى لكيم كردشيان لدبي