الماركة ماعرفها من قبل بس شفت صور لهالجنطه في الانستغرام شوقتني وسويت سيرج
كاتبين بجم موقع انها بتكون بالاسواق ب ١٥ يوليو
£470 بسعر
Link
شرايكم فيها ؟
غبقة حضرتُنا عند دندرمة
قبل چم يوم سوت لنا دندرمه غبقة صغيره مريحه نجابل فيها بعض لانه من زمان ماتيمعنا
طبعا كالعاده سويره وجاكي وصلوا قبلي ههههه
احب يمعات ندويه الواحد ياخذ فيها راحته باللبس والقعده وكل شي باختصار راحه نفسيه چني رايحه بيت اختي عسى الله لايغير علينا
كل يمعه نتفق انه ماناكل بالبيت علشان ناكل يميع ونستانس ونشتري اللي بخاطرنا ونجربه يميع
قعده ارضيه وجاي وقهوه وسوالف احلى شي 🙂
مناقشات على مسلسلات رمضان اللي هالسنه والوضع العام بالسوشال ميديا ورمضان وحلاته ولازم طواري جوجو المزيونه بنت سويره 🙂
المعجنات من الدنماركيه نتيييفه لذيذين
وملكة القعده كانت كيكة اليوغرت والفستق من بيك يو طالبتها لنا سويره
عجيييييييييبه
بااارده وطيبه يم يم
انا طلبت محلبيه مع غزل البنات من براون توميتو
بصراحه ماحبيتها شكلها وايد احلى من الطعم 🙁
كنافه جاكي 🙂
وحلويات رمضانيه
خوش غبقة سميناها #غبقةـحضرتنا
اللي يتابع سرايا عابدين بيفهم 😉
اعلان بيبسي لرمضان ٢٠١٤ – يلا نكمل لمتنا
دعاية بيسي اليديده اتينن 🙂
وايد حبيتها وشلون جمعوا الفنانين بأعمالهم القديمه اللي انشهرت
اكثر شي حبيته سمير غانم وشيرين 😀
قهوة وحلو في دكاكيـن
اول امس طلعت مع نوره رفيجتي بعد الفطور على طول عندي چم شغله بخلصها في مجمع الصالحيه
وبعد ما خلصت قلنا نقعد في كافيه نقعد راسنا بقهوه ونحلي
فتذكرت مطعم دكاكين في ميزانين٢ وايد ناس حطوا صور شوقوني على زيارته
المكان يونس والديكور عجيب فنكي على سوالف الطيبين على الوان وايد حبيته
عادت عليكم يا هـــلا
المنيو منوع وفيه اشياء خطيره
حاطين على كل طاوله جيس صغير داخله قراميش شي على زعتر وشي بالعسل
لذيذذذذ
طلبت كابتشينو طيب
عجبتني الرسمه لوول كافيين يعدل المزاج
هالشي الخيالي اسمه غيبوبه شوكلت بودينغ
شي ماصاااااار طيب طيب طيب
Dikakeen is Located in Salhiya Complex, The M2
Tel : 97728587
Instagram @Dikakeen
ايزي چارچ لشحن الهواتف في الافنيوز
اثناء سفرتي لتركيا العام شفت آلة شحن الهواتف النقاله بأكثر من مكان ونفس الشي هالسنه بدبي مول شفنا من بعيد آله شحن
استانست وايد لما كلمتني الاخت عذوب وبلغتني عن توفر الجهاز بداية شهر يوليو في مجمع الافنيوز
وايد ناس يحبون يقضون في الافنيوز وقت طويل كونه مكان مو بس للتسوق صارت يمعاتنا العائليه والسينما كلها هناك
فشحن الموبايل يخلص بسرعه حتى لو معانا الشحن الاضافي
فهالجهاز بيخلينا مانحاتي هالشي
الحلو بهالجهاز انه طريقة استخدامه جدا سهله والجهاز آمن مايحتاج توقفون تنطرون جهازكم لانه فيه صناديق ماتنفتح الا بعد ماتحطون الباسوورد اللي انتوا تختارونه اضافه لوجود ٥ انواع شحن لاغلب انواع الاجهزه النقاله
وفيه بروشور عن طريقة الاستخدام تلقونه في خدمة العملاء
الجهاز حاليا يقبل فقط العمله القديمه لحين برمجته على العمله الجديده
الاجهزه موجوده ب٣ اماكن بالافنيوز
* فيز ١ بجانب شركة زين وستاربكس
* فيز ١ بجانب شيك شاك وبريشكا
* فيز ٢ بجانب دين اند ديلوكا
Tel : 90093033
Instagram @EZchargeKw
Site Link
Review : Milas Restaurant .. Dubai
ميلس مطعم في دبي مول يقدم الاكل الاماراتي التقليدي وبعض الاطباق العربيه
ماشاء الله كان المطعم مزدحم اول ما وصلنا فقلنا دام زحمه اكيد اكله تمام
عطونا الايباد على ستاند خاص والحلو انه كل الوجبات موجودين بالمنيو بالصور وهالشي وايد اريح من لما يكون المنيو مطبوع فقط
ضيفونا بالنخي والزعتر كان شي لذيذ جدا
قدمولنا نوعين من الخبز العربي الطازج
عجيييب
طلبنا حمص ميلس
كان طيب والبصل المقرمش فوقه معطيه طعم نارررري
كباب ميلس
كان لذيذ جدا
دياي شوي
وبعد ما خلصنا ماقصروا يابولنا الطيب يطيبونا
واعوادة الاسنان
وهذي فاتورتنا
مطعم ميلس في دبي مول، الدور الارضي، ذا فيلج
Tel : 043882313
Instagram @MilasRestaurant
Site Link