My Trip to France – Paris – Day 3 رحلتي الى فرنسا – باريس – اليوم الثالث

IMG_5172 اليوم الثالث كان المفروض نسوي فيه جيك اوت علشان المغرب حاجزين قطار ياخذنا لمدينة ليل
فجهزنا اغراضنا وسوينا جيك اوت من الصبح وخلينا الجناط بمخزن الفندق علشان عقب مانتمشى بالسوق نمر ناخذهم ونروح سيدا الستيشن

نزلنا نتريق وانا شريت لي هالبريتزل بالجبن
وكلش ماعجبني فكان من نصيب الحمام عليهم بالعافيه :)
paris4day1paris4day2paris4day3 قلتلكم حريم وسوق هههه
كانوا قايلين لنا في تفتيحة جديده بشانيل علشان جذي عقب الريوق سيدااا البوتيك
paris4day4paris4day6paris4day5 كانوا منزلين السنيكرزات وكولكشن كروز دبي
paris4day7 بعدها مرينا ديور
بوتيكات بره فيهم سنع ضيافه ويجابلونكم عدل ونفس حلوه
paris4day8 شحلو الزينه
paris4day9 الى جاليري لافييت
paris4day10paris4day11 فترينتهم تشوق بس من كثر الاوادم والزحمه ماقدرت اصور
paris4day12 زينه الكرسمس داخل لافييت
paris4day13paris4day14paris4day15paris4day16 يشوقون جناط سيلين .. هناك يبردون القلب يطلعون لكم كل الالوان
paris4day17 هالماكرون مشهور بلافييت بس ديروا بالكم اغلب الانواع يستخدمون فيها الكحول
paris4day16 قعدنا شربنا قهوتنا وخلينا في انجلينا كافيه
بالنسبه لي عادي مادري الاوادم ليش ميتين عليه مافيه زود ابدا
paris4day18paris4day19 بعدها رحنا الفندق خذينا غريضاتنا وطيران للستيشن
اشوه لقينا وحيَد ساعدنا على قشنا لما وصلنا داخل
paris4day20paris4day21paris4day22 حبيت الحركه
اللي يشتري شي من الكوفي شوب حاطين طاوله والكرسي مالها على قاري
يعني منها تاكل او تشرب ومنها تتحرك :)
paris4day23 محل نيو هاوس للجوكليت البلجيكي
paris4day24paris4day25 كنا حاجزين درجه اولى لانه السعر كان مايفرق وايد عن العادي
paris4day26 احسن شي انهم حاطين بلاك كهربا وشحنا تلفوناتنا :)
paris4day27 تبعد ليل عن باريس ساعه الا ربع تقريبا

ليل مدينة تقع في أقصى شمال فرنسا وتعد رابع أكبر المدن الفرنسية وقريبه من بلجيكا

وصلنا بال٦ وشوي وخذينا تاكسي لي الفندق
paris4day28 وكانوا مجهزين الويل والزينه للكرسمس
paris4day29 سوقهم صغير كلش
paris4day30 وصلنا الفندق اسمه واي
وبصراحه صج واي هههه
لأنه دشينا وعطيناهم الحجز اللي كنا مسوينه في موقع بوكينج جان يقولون الحجز امس مكنسلينه !!!!
ودلول صديقتي اللي حاجزه الحبيبه مو معرفه ايميلها على تلفونها
وتوهق البطل !!!
والمشكله الفندق فل وكان عندهم بطوله تنس في ليل عقبها بيوم فالفنادق فل وقاموا يدقدقون يدورون لنا فندق ثاني
ولله الحمد تسهلت ولقولنا ليله وحده في فندق كراون بلازا
وكل هالشي خيره بعدين اقولكم ليش :)
paris4day31paris4day32 وصلنا الفندق ولله الحمد وهذي غرفتنا
paris4day33paris4day34paris4day35paris4day36 فيو غرفتنا
paris4day38

وطلعنا نتمشى ونتعشى
هذا مجمع عندهم بليل
paris4day39 دار الابرا في ليل
paris4day40 ووصلنا لي الويل :)
اتشوق
paris4day42paris4day43paris4day41 كان اكو جم مطعم صغير اخترنا واحد قعدته حلوه
paris4day44paris4day45 حاطين بلانكيت عن البرد
paris4day46 المنيو
طبعا كله فرنسي بس اشوه اللي يشتغل كان من المغرب العربي اسمه الاخضر يحليله فطلبنا منه شوربه وباجيت فيها جبن وطماط
paris4day47paris4day48 الاكل الله يزيد النعمه :(
الشوربه ماتنشرب والباجيت كلش مو واو
يعني بس نسكر اليوع
paris4day50paris4day49 عقبها مرينا سوبرماركت صغير شرينا ماي
وصورت لكم هالصوره لككاواتهم للكرسمس
paris4day51 وين رحنا بعد ليل ؟؟ متابعيني في الانستغرام اكيد يدرون ;)

2 comments

Comments are closed.