ودارت السنه وصار فبراير ومايصير اطوف احتفال زين وموظفينها بالعيد الوطني 🙂
للسنه الثالثه ولله الحمد اكون معاهم باحتفالهم وعساها عاده ماتنقطع
هالسنه حاطين خيمه بره وكاترينج من اكثر من مكان وشغل عدل
السيد عمر العمر المدير التنفيذي بشركة زين و العزيزه هلا بو الحسن من فريق التواصل الاجتماعي بزين
هيا المانع والاء العوضي وبنوتتها العسل
العزيزه سوسن
حاطين بعض الاصدارات من الجريد الكويتيه القديمه
احتفال زين من غير صقر يصير ؟ طبعا لا ههههه هذي ثالث سنه اييبونه ياحلاته
احلى سناب جات مع الصقر 😛
وحاطين ركن لنقش الحنه
حنينا الايادي حنينا الايادي بفرحتج يا بلادي بفرحتج يابلادي
ورسام كاركتير
والقعده برا صوب الكاترينج عجيبه والجو كان اينن
واللي تقدم كاشخه بالعلم
يايبين اكثر من مكان بس اللي لمسحتهم رقاقتي وزيتونه ودله
وبعدها وصلوا فرقه معيوف مجلي الشعبيه
ميكس من الغناوي اللي غنوها 🙂
وآخر شي طيروا بالونات بالوان علم الكويت
عسى كويتنا دوم بافراح واعياد ومشكورين زين على الاحتفال الزين وان شاء الله تعودونها كل سنه يارب
