مطعم الشمم من المطاعم المعروفه في سوق المباركيه
خصوصا انه مكانه داخل السوق صوب سوق الخضرا
ومن اشهر الاماكن اللي تقدم المأكولات البحريه الطيبه وباسعار حلوه
صار له فتره من فتح فرع له بالمباركيه مقابل سوق الحريم تقريبا صوب المواقف مكان فيلا مودا اول
المكان اليديد تبارك الرحمن كبيرررر ويتكون من طابقين غير القعدات الخارجيه
يوم اليمعه اللي طاف كنا هناك لاول مره وماتوقعت هالزحمه لي درجه ماقدرت اصور فوق
هذي القعده الخارجيه
المنيو منوع فيه البحري والمشويات والعيوش وغيرها
وبدينا نطلب
ماشاء الله على الزحمه اللي عندهم لكن خدمتهم تعتبر سريعه
وصلت سلطة رمان الشمم
الرمان خيال شيرررره وكبار
الحمص
شي وايد ونسني انهم مو حاطين زيت عليه والزيت موجود على الطاوله للي يحب يحطه
الخبز حااااار وشغل عدل
لازم بطاط لليهال
عصير الرمان عندهم عجييييب
الاناناس ما مدحوه
عيش بالزعفران خنين ولذيذ
سبيطي مشوي
ماجربته بس يقولون طيب
انا رايحه علشان هذاااا
ربيان مشوي
عجييييب
بيض سمج مشوي مو ذاك الزود مر شوي
شيش طاووق لذيذ
القعده اللي برا حلوه بس هاليومين برد وهوى وحسافه ماكو دفايات
واكو قطاوه ترى حق اللي يخافون عن الصراخ وقعدوا داخل
والفاتوره معقوله جدا احنا ٥ اشخاص ماشاء الله
وانضم مطعم يديد لمطاعمي المفضله 🙂 لااااازم تجربونه اذا ماتعرفونه
Instagram @Alshemam_Rest
