وصلتني دعوه جميله من العزيزه نوره الحذران لحضور معرض مرني التلال
اللي بيكون في مجمع التلال بشويخ من ٣ ديسمبر ولمدة اسبوع
الدعوه معاها هديه اتينن تمثل الاوبريت اللي غنت فيه سعاد عبدالله ليش الكوس هدونا 🙂
وايد عجيبه حطيتها على مكتبي بالدوام چود لي صار كوس يهدونا 😛
رحت اول امس المعرض وكانت فيه بوثات مختلفة للملابس والشالات والبشوت والاكسسوارات والفناتق الحلوه
اول مادخلت كان هناك عزف لموسيقى حيه عجيبه
بوث سمارش – سمر المطوع
بوث فيصل العلي تراثي وفنتق بصراحه الديكور زوغه تلفزيون قديم وبرامج عتيجه وكاترج وبشتخته ويوزع سانكيست وحركات واايد عجبني
واللي عجبته اللوحه اللي فوق ترى فيصل اهو صاحب هالمشروع الحلو وتلاقون عنده مجموعه جميله من اللوحات الخاصه بالبوب ارت على الطريقه الكويتيه 🙂
اكو بوثين للشالات في المعرض
ا
ملابس الشتا والفريرات
بوث دانيا كولكشن .. خذيت منها مخدة احب التسدح هههههه وهم كفر لايفوني
الحبيبه نوف القضيبي منزله خوش كولكشن للشتا