The Dark Room وصلتني دعوة من مطعم
لكن هالمره بالهالوين ثيم
تجربتي السابقة للعشاء – اضغط هنــا
هالمره رحت علشان بدخل معاي ولد اختي وابيه يعيش تجربة الاكل بدون نور وبالظلمه علشان يحس بنعمة النظر
وكنت شارحة له الوضع خصوصاً انه ثيم هالوين بيزيد الموضوع صعوبة وخوف ههههه
بس قال انا ما اخاف ابي ادخل 🙂
وصلنا برج جاسم ونزلنا السرداب وكان مبين الثيم من قبل لا ندخل
اول ما دخلنا استقبلونا بصرخه تصروع هههههه
وهالاشياء المعلقة طبعاً نصور ويهه لا تعليق هههههه بس هم معاند وبيدخل
والبطيخ بكل مكان
خذتنا الويتر لمكان اختيار الاكل ولبستنا الابرون النايلون وخذت كل متعلقاتنا وحطتهم بالسيفتي بوكس واخترنا اكلنا
وجان اتفاجأ في بسومة سلطان ههههههه ميته من الخوف وياية بروحها فدخلنا يميع
نصور في البداية كان خايف لكن ماقصروا الشباب واحد منهم حس بهالشي وسولف معاه داخل وعطاه النظارة اللي يقدر يشوف فيها بالظلمه فأستانس على الوضع لكن بطريقة عكسية ههههههه ينن بسومة فقيره ما سوت عليها قعدت يمه كل ساعه مصروعها ههههههه
المنيو كان صغير وخياراته سهله طلبت شوربة مشروم من المقبلات وكانت وايد لذيذة والمين كورس كان بينك باستا كانت جيدة بس لو يقللون كمية الدياي ويقصصونه يكون اسهل خصوصا انه ظلمه ومانقدر نستخدم سجين وبالاخير كان الختام مع الكراميل بودينق كان وايد بارد بس طعمه لا بأس فيه
هالصورة نصور عقب ما طلع في صراع مع الزومبي هههههههه وبسومه ميته ضحك
بعدها صاروا ربع وحبتين عشتوا 😛
ثيم الهالوين مستمرين فيه الى اليوم السبت 2 نوفمبر
جربوا هالمطعم وعيشوا التجربة الغريبة 🙂
The Dark Room is Located in Burj Jassim, Basement
Twitter & Instagram @DarkRoomKW