Review : Oishii

 وتجربة المطاعم اليابانية مستمره :) وآخر مطعم ياباني زرته ولأول مره اويشي سوشي بفرعهم الجديد في الصالحية

المكان وايد هادي ويمكن بعد الفتره اللي اخترتها ما كانت فتره غدا او عشا علشان جذي كان الوضع هادي جداً ومريح

الديكور بسيط وحلو والقعده شرحة 

عجبتني حركة الطاولة وان فيها مكان حق تعليق الجنطة 

اول ما وصلنا قدمولنا الجاي الاخضر الحارررر

واستلمنا الاي باد والمنيو المطبوع بعد علشان نختار اللي نبيه

وبعد قتره بدت الطلبات توصل والبداية بالموهيتوو

اممممم اللي متابعني عدل حس اني ادمنت هالمشروب صح ؟؟ بحاول اغير المره الياية بس صج منعش ترى اللي ماجربه يجربه

هذي بسميها الملكة 

Crunchy Salad

شي مو صج واااايد لذيذة هالسلطة وهي عباره عن خس واصابع قباقب مع الاوفوكادو والكرسبي

وطالما الملكة وصلت لازم هناك ملك وعن جداره هالطبق يستحق الكلمه

Poppukon Shrimp

عيدان من الربيان اللذيذ المخلوط مع النفيش (البوب كورن) والكرسبي بطريقة وايد لذيذة والصوص بعد عجيب

Rock Shrimp

كرات الربيان المقليه مع الصلصة الحاره

لذيذ بس حسيت في شي ناقص مادري شنو 

Mini Sushi Burger والطبق المشهور عندهم 

قطع من لحم البرجر مع المشروم والجرجير والبطاطا الحلوه المقليه وارز السوشي المشوي

حبيت اللحم كان لذيذ 

Lollipop 

شي فيه قباقب بس حده حده ناطع

Volcano Roll

هذا شي قاتل ايضاً عباره عن قبقب وربيان مع بصل اخضر وكرسبي 

Kani Maki Roll

الخيار مع الاوفوكادو والكافيار مع السمسم الاسود والكرسبي

حدها لذيذة

Fuji Maki Roll

ربيان تمبورا مع الاوفوكادو والجزر والخس والخيار والكرسبي

هم وايد عجيبة وطيبه

Veggie Tempura ura

خس وجزر مع الافوكادو والخيار وحبوب السمسم الاسود

Hammour Tenpanyaki

انا مو ذاك الزود مع السمج بس تبارك الله رفيجتي كيفت عليه تقول احلى طبق وصلصاته لذيذة

الحلو كان عباره عن ايس كريم تمبورا

كان نوعاً ما عادي بس الايس كريم لذيذ 

بنانا سبليت كان وايد لذيذ 

Oishii Located in Salhiya, Ali Al Salem St, Al Jawhara Tower

Tel : 69637195

Site Link   Instagram @OishiiKw

One comment

Comments are closed.