من وعيت على هالدنيا وبكل عيد ميلاد كيكتي تختارها امي الله يرحمها لي من العالمية .. زمان العالمية كان غير هالمحل كان ابوو الكشخه حزت الثمانينات هالكيك الطيب اللي على شخصيات مرسومة بالكريمه الملونه 🙂 اي ليزر اي بطيخ كانت فرحتنا بالكيك ما بعدها فرحه نلطخ ويوهنا بهالكريمه السنعه ونتلذذ بالكيك اللي ما كان يبقى منه شي بالعيد ميلاد مو الحين احلى وارقى كيك وناكل منه قطيعه والباجي بالثلاجه ولا للخدام اللهم لك الحمد
شوفوا كيك العالمية بذمتكم موو ناطع يا زينه 😀
امس كنت ماره صالون كرستال مادحين لي وحده تقص شعر عندهم وجان القى محل العالمية بنفس مكانه ومبطل يا حلــــوة 🙂
اصلا طول ما انا بالصالون بس كنت انطر اخلص وادخل اشوف شنو اللي ليلحين يبيعونه واصورلي جم صوره ذكرى لي وبوست تذكير فيه لكم 😛
يا حلو زمان الطيبين والله نفس طريقة الحلويات ونفس طريقة العرض بس الفرق اول كان الزباين من كثرهم واقفين عند الباب والحين مع التطور وكثره المحلات نسينا هالمحل الطيب
الكيك ليلحين موجود والبيتي فور والنواشف وغيرها
يحليلها البلاك فورست اهي اهي بس جنها صغرت شوي شوفوا الصورة اللي فوق وقارنوا 😛
هذا الكيك ولا بلاش كيوووت الارنوب
البيتي فور رااااهي شحلاته
خذيت منهم هالكيك عجيييييب وترف مشاء الله مع الحليبه شي ماصار
شي واحد ضيق خلقي بهالزياره انه البايع قالي انهم خلاص بيسكرون واحتمال يفتحونه بمكان ثاني 🙁
قلتله لا حرام المكان انعرف هني بالسالمية من السبعينات والثمانينات ولو بتفتحون بمكان ثاني بتكون العالمية مو عالمية 🙁 انتوا شرايكم ؟؟
المحل مو نفس قبل – أنا كنت أطلب على طول منهم و خاصة ألاسكا كيك http://ansam518.com/2011/08/cravings-baked-alaska-cake/ و آخر مرة أكلتها قبل سنة تقريبا
بس حسافة وقفوها – مرة إتصلت بطلبها قالو مايسوونها ألحين
أنا لما رحت سوريا قبل الثورة زرت العايلة الكريمة إللي كانو يديرونه قبل الغزو – ناس طيبة و كان لهم بصمة في العالمية
حسافه ماذكرها بس ليش وقفوها ؟ 🙁
waaaaay la mo 9ij ghbaaaaaar 😛 bs 9ij kanat ayam 🙂
احلى ايام والذ اكل 🙂
الله ياحلو ذاك الزمن تذكرت ايام الطفوله. اذا بغيرون مكانه ياريت يطورونه لان ماله زباين الحين بس ماانسي بيتزاتهم عجيبه
حلاته المكان مايتغير بس مايمنع يطورون شغلهم
لييييش ما طلبتي بيتزا!!!!
أنا اخر مرة رحت طلبت بيتزا بس كانت ثلاجاتهم ليلحين نفس ثلاجات أول… و عندهم أغراض أكثر!
يوم غيروا ما غيروا ألا الثلاجات الظاهر! المفروض يغيرون المنيو و يزيدون أشياء يديدة و يخلون البيتزا و الاسكا او يسوون مني الاسكا شيء موديرن
حسافة عليه
مادري كنت مستعيله شفت الكيك جدامي وزخيته وطلعت هههه
امبيه ذكرتيني بأحتفالاتنا ابيت يدتي بكيفان قبل كنه دايمن نييب منه
كل الكويت اكل الاحتفالات منه ههههه
الله اي والله ياحلو ذيك الايام على فكره انا كل فتره امر اشتري منه البيتزا مالته وخذ كيك وبعد وصيت جم مره على كيكه عندهم بس هم قبل اشوي غير ورايي لايشيلون الصراحه ومشكوره دايم اتذكرينا بزمن الذكريات الجميله ياجميله
حياتي برور شكلج مثل رفيجتج تحبين القديم هههههه يا زين جيلنا زيناه :*
ياحلو بيتزتهم..يعطيج العافيه عالبوست
الله يعافيج حبيبتي
انا للحين زبونته ويا حلو كيكة الالاسكا اللي على ايس كريم وبيتزتهم لا يعلى عليها طعم الثمانينات عوافيييييييييي
الله يعافيج .. رفيجتي تقول انهم ماقاموا يسوون الاسكا 🙁
يعطيك العافيه
تعجبني ذكرياتك ? قاعده انتظر
فترة الـ 90
احب ذكرياتك القديمه حيل دايم ارد اطالعها مدري يمكن لان انا بعد مواليد الـ80
وبعد ياليت تكتبين لنا عن ايام الغزو وكذا وقرقيعان اول
وكيف ترتيبك ل البوماتك مال زمان
Comments are closed.