The Village في The Kitchen وجهت لي دعوه من مطعم
لزيارة المطعم والاستمتاع بأطباقهم اللذيذة على طريقة الهوم ميد بالشكل والطعم والمقادير
يعتبر هذا الفرع الثاني لهم بعد فرع الشعب الذي يقدم خدمة التوصيل فقط
اخترت تكون زيارتي فترة الظهر وكان وصولي ممتاز لأن المطعم كان فاضي وبعدها مشاء الله بدت الناس تيي
فخذيت راحتي بتصوير المكان 🙂
حبيت المكان واااايد مرتب .. تداخل اللون الخشبي والبيج جميل اضافه للسقف العالي اللي مخلي المكان اكثر شراحه 
Tijoe Mathew George استقبلني السيد
وكانت لنا دردشة جميله عن عالم التدوين وتقارير المطاعم كما انه عرفني جيداً على ذا كيتشن 🙂
المطبخ بالكامل يبين وتشوفونه وانتوا قاعدين 
عجبني تناسق المنيو مع ديكور المطعم
القائمة منوعه والاطباق كثيرة فطلبنا راي الويتر اللي ساعدنا بالاختيار 
طريقة التقديم مبتكره وظريفه وايد حبيتها 
البداية او الضيافه كانت مع التبوله المخلوطه مع الزيتون مع الروب بالخيار و الطحينه اضافه للخبز العربي الطازج
بصراحه بعد ما ذقته استبشرت خير بالاطباق اللي بعده كان حده عجيييييييب
صديقي دائماً عصير البرتقال
ونبدي بالمقبلات
Roasted red & golden beetroot with feta cheese
انصح وبشده بشده بشده هالسلطه حدها عجيبة وصلصة البلسمك فيها مسويتها شي خيالي لازم تجربونها
صلصة البلسمك اذا كنت بحاجه للمزيد منها
Potato sticks with mini hotdogs
اصابع بطاط عجيب وداخله ميني هوت دوغ يم يم
Toasted rolls with mashroom
لفائف التوست مع الفطر وايد لذيذ مع صلصاتها 
Quesadillas
كاساديا مع الجبن والمشروم وتم اضافه الدياي بناء على طلبنا وهالشي الحلو فيهم تقدرون تشيلون او تضيفون على الاطباق على حسب ذوقكم 
وبعد المقبلات نلقي نظره على المطبخ اثناء اعداد الطبق الرئيسي 😀 
الاطباق الرئيسية
Shish tawooq with italian flavour
شيش طاووق بالنكهه الايطاليه وايد وايد لذيذ ويقدم مع صلصة وخبز عربي صغير
وجميع انواع الخبز والتوست من مطبخهم الخاص 
Chicken Mayo Sandwich
ساندويتش صدر الدياي مع الخيار الطماط الخس اضافه لجبن الشيدر والمايونيز والفرايز .. لذيذة يم يم 
Farfelli Pasta
باستا بالصلصة البيضا والمشروم واااااايد عجيبة
وبعد فترة راحه وسوالف صار وقت الحلو
Tijoe Mathew George وهالمره الطبقين من اختيار السيد
Browni CheeseCake
كيكة البراوني اللذيذة مع ايس كريم الفانيلا 
Chubby balls الطبق الثاني كان
وهو صج صج هوم ميد وكانت لي تجربه قبل جم سنه لعمل نفس الطريقة
وايد بسيطه ولذيذذذذة بس جربوها عندهم بتكون احلى 😉 
ختام الاطباق كان بكوب من الكابتشينو لأختي وكوب لاتيه لي 
ستاف المطعم النشيطين بصورة للبلوق 
على الدعوه والاطباق اللذيذة The Kitchen كل الشكر لمطعم
على الدردشه الجميلة واختيار مدونتي للتعريف بالمطعم Tijoe Mathew George و للسيد
The Kitchen located in Abu Al Hasaniya, The Village Complex
Site (Link) FB (Link) Twitter (@The_Kitchen_kwt)
Order from The Kitchen Via 6alabat.com
