doubleshot.kw 

وصلني اليوم مشروع منزلي جديد مختص بالقهوه البارده

doubleshot.kw 

الباكيج مرتب ونظيف ومزين بالوريدات نزااااكة

يابولي ٣ انواع 

السولتد كراميل – الروز – المينت


الروز اينن ومافيه طعم قوي يعني تحسون بطعم الورد خفيف والسولتد كراميل هم متوازن وموحالي وايد ممتاز والمينت هم خفيف وتحسون بلسعة النعناع بس مو مركز وايد مضبوط


الروز بالنسبه لي كان نمبر ١ عجييييييب


الطلب عن طريق اكاونتهم بالانستغرام 

Instagram @doubleshot.kw 

Cute gratis lipstick


وصلتني صوغه كيووووت من تركيا من امونه صديقتي 

عباره عن سيت حُمر نتيييييفه

٦ حبات والوانهم تشوق صج على ذوقي 

واي قلبي الزبابيط شووووفوا الحجم 


وهذا الحجم بالمقارنه مع حجم الروج العادي


وهذي الالوان على ايدي 

وقوامهم حلو مو ناشف ولا كريمي وايد


Gratis تحصلونهم باسطنبول بصيدلية

Tasting Triangle’s new menu

تراينجل منزل اطباق كثيره جديده انضافت للمنيو 

كنت هناك قبل اسبوعين تقريبا مع خواتي وجربنا بعض الانواع الجديده اللي بحطها لكم 

هالمطعم وايد احبه وذوقي فأغلب الاطباق يازت لي 

مشروم بيلووو

مخاد مشروم لذيذذذذذه

img_2768.jpg

سلطة الكيل

هم اللي يحب السلطات هالشي ناجح وطيب لازم تجربونها

img_2767.jpg

بان فرايد 

بطاط مع اللحم والجبن السايح
img_2769.jpg

سموكد فدايد جار

هم هالشي لمحبين البطاط

جار فيه بطاط على شكل عيدان و جبن سايح واييكم حاااااار ويتمغط

img_2770.jpg img_2771.jpg

مشروم ريزوتو

عجيب كلمه تختصر الطعم

img_2772.jpgاولد سكول

تصدقون صرت ماعرف اعبر اذا فيه طبق على مزاجي لوول

هذا شي طيب 

img_2773.jpg img_2774.jpg

وفجأة يابولنا شيين عباره عن الوان وحلاو واشكال تشوووووق 

مال تصوير بصراحه مو مال نخرب الديكور الفرايحي ههههه

تراينجل فريك شيك

img_2775.jpg

هذا جبار عاد الذ عندي من الاولاني

فيه شعر بنات ومارشميلوو وتخيلوا مخلوط مع الشيك

img_2776.jpg

افلانش

شي يشبهه السمورز لذيذذذ

img_2777.jpg

نورث كيك طيبه مشرررربه حليب

img_2778.jpg

Triangle Restaurant located in Salhiya, Ali Al-Salem St, Aljawhara tower

Tel : 50838483

Twitter & Instagram @Tringlekw


Angelina Paris now open in Kuwait !


تم الافتتاح غير الرسمي لمطعم انجيلينا باريس في الكويت في برج الحمرا في شهر رمضان 

ماشاء الله ماتوقعته هالكبر .. مساحته كبيره وحتى القعده الخارجيه راهيه 


انا جربت اللي في باريس ودبي بس ككافيه ماجربت اكلهم


تشكيلة جوكليت 


انواع الحلو والكيك المشهوره عندهم


الماكرون 


طلبت كابتشينو مع قطعتين جوكليت كانوا لذيذين 

وصديقاتي طلبوا ماكرون وعجبهم


Instagram @angelinapariskw

Wave after wave !


وصلتني نقصه مرتبه من مشروع يديد اسمه

Wave after wave​

حبيت التغليف مميز وبسيط


داخل العلبه قطع ككاو روكي رود

على مذاق السولتد كراميل و الهازلنت 

شي لذيذ ويذوب 


For order ( whatsApp) : 96000975​

Instagram @wave_after_wavekw

مجموعة هولا الجديده من بنفيت


وصلتني منتجات جديدة من بنفيت
كل شي يعبر عن البحر والتان والسفر
منتجات برونزر تحت اسم هولا البودره البرونز المشهوره عندهم


Dew The HOOLA
برونزر سائل مطفي للوجه تقدرون تستخدمونه مع الفاونديشن او بروحه
بالنسبه لي جربته على ايدي ماحسيت انه يفرق وايد عن لون بشرتي يعني يضيف اسمرار خفيف لها
انا اعتبر حنطاويه مو بيضا ولا سمره

HOOLA zero tanlines
تان مطفي للجسم (الايدين والساقين) الباكيج مرتب ومعاه اسفنجه توزيع
جربته على ايدي فعلاً حسيت بفرق يعطي لون وايد جميل وطبيعي
والاحلى مايدبق وبسرعه ينشف على البشره ولا يطبع على الملابس

بودرة هولا البرونز معروفه واستخدمها من زمان تهبل

ومع الباكيج حاطين فرشه توزيع للبرونزر والكونتور وايد كيوووت حبيتها

شكراً بنيفيت على المجموعه الصيفيه

Page 4 of 699« First...23456...102030...Last »