منو فيكم ما يحب كنافة الطيباوي ؟؟؟ من فترة اشوف المحلات اللي يمه اخلوا العماره لأنه الظاهر بيهدمونها ولما مريت قبل جم اسبوع متحف بيت العثمان بحولي لاحظت لافتة بالعماره اللي مجابلته انه قريباً بيكون الطيباوي فيها يعني بيكون بنفس الشارع لكن عقب الاشاره تكملون سيدا لي بيت العثمان تلقونه على يساركم
Bice mare Ristorante Bloggers Night
بفرعهم الاول ببرج الحمرا Bice الاسبوع اللي طاف كنت معزومة بمطعم
وهالاسبوع كنا عندهم مره ثانية لكن في الفرع الثاني لهم في مارينا ويفز
Bice Mare وسموه
لأنه مختص اكثر بالمأكولات البحرية وحالياً يفتح بس فترة العشا
المطعم صغير ملموم وايد و حبيت وايد طريقة الديكور وحسستني اني قاعده في باخره فخمه
من الصج هذا الاحساس راح اييكم اول ما تدخلون
اخترنا طاولتنا انا وصديقاتي البلوقرز
وضيفونا بهالمشروب .. نسيت شسمه
كانوا مزهبين لنا قائمه مسبقة
الخبز عندهم عجيب .. انواع كثيرة وطازجة ومخبوزه خصيصاً لهم
البداية مع قطعة التونة مع صوص الرقي او البطيخ الاحمر
اول شي جربنا الربيان الجامبو المطبوخ مع الصوص الحامض
ثاني طبق كان الرافيولي المحشي باللوبستر مع الربيان والريحان
وهالطبق عباره عن فيلية سمك التوربوت مع الارضي شوكي وفطر الترفل الاسود والكوسه مع الجزر
مع اني مو ذاك الزود مع السمج بس حبيته لكن البلسمك كان عامل مساعد بأني اكله بس لذيذذذذ جربوه مع البلسمك يم يمالحلويات كلها لذيذة وحجمها نتفه يشوق احسن شي حق التذوق
جيز كيك وتراميسو وبانكوتااسرة بيتجي ماري
شكراً بيتجي وشركة غالية تكنولوجي على اليمعه الحلوة والمكان الجميل والهدية الطيبة
Bice Mare Located in Salmiya, Marina Waves
Tel : 22244525
Instagram @Bice_mare
إفتتاح الثوب المنقط في برج التجارية
الاسبوع اللي طاف وصلتني دعوة بطابع كويتي جميل لافتتاح محل الثوب المنقط في برج التجارية
ديكور المحل كله منقط يعني اسم على مسمى
حبيت فيه التنوع يعني تلقون اللبس الكاجوال للسفور والمحجبة وحتى عندهم تشكيله من العبي والقمصان الطويلة الواسعه
الثوب المنقط في برج التجارية, المرقاب, شارع السور, ميزانين 2
Tel : 22968092
Instagram @AlthobAlmngt
تغطية حصرية : الفنان القطري فهد الكبيسي في برنامج القايلــة
اليوم كنت على موعد مع برنامج القايلة بإذاعة الكويت اف ام 103,7 لتغطية الحلقة المميزة بوجود ضيف قطري خلوق هو الفنان فهد الكبيسي
كانت الحلقة من انجح حلقات القايلة فهد صوت خطير وايد احب اغانية وسبب وجوده بالكويت هو دويتو يجمع بينه وبين بلبل الخليج نبيل شعيل في اغنية خاصة لدورة الروضان لكرة القدم القادمةقدم الحلقة المتميز دائماً بويوسف – مايك مبلتع
كان اللقاء خفيف لي درجه ما حسينا بالوقت بسرعه صارت الساعه 2:30 موعد الفقرة الرياضية
غنى وايد اغاني حلوة من ضمنها الحب اسرار – ظبي اليمن – – ألولي هان الود عليك – ما ياخذني الا الموت – حلاتك هكذا مغرور
اغلب الاغنيات صورت لكم منهم مقاطع صغيره تحصلونها على اكاونتي ببرنامج كييك – اضغط هنــا
الرقيقة مروى بن صغير كانت موجوده من قايلة البنات وغنت خوش دويتو (ظبي اليمن) مع الكبيسي
وانا بعد احبج يا مروة .. ترى القلب حب لي واللي طالعه بانعكاس الزجاج هذي المعده ياحلوها 🙂
نحبك برشا برشا مروى 😀
بو يوسف بدع بالحلقة
خفيف الدم محمد الدغيشم كان موجود بالاستوديو ويتغشمر مع الجميع
الفرقة ما قصروا بدعوا يعطيهم العافية
صورة لأسرة برنامج القايلة مع الفنان فهد الكبيسي
ترقبوا اغنية دورة الروضان قريباً وان شاء الله اول ماتنزل بتكون موجوده بالبلوق 🙂
كل الشكر لشركة سنيار وبرنامج القايلة على الدعوة الكريمه وبالتوفيق لدورة الروضان القادمه
Breakfast at Véranda
فيراندا في هارفي نيكلز من المطاعم اللي احبها وايد .. هدوء وشراحه ومنظر يطل على الغراند افنيو والاكل لذيذ
الخميس اللي طاف كان اجازه فاتفقت انا ودندرمه نقوم الصبح مبجر ونجرب ريوقهم
وصلت 9 وكان المطعم توه فاتح واخترت الطاولة اللي على الفيراندا وطلبت لي كابتشينو على ما توصل صديقتي
مادري ليش ياني احساس اني مسافره 🙂
وبعد ما وصلت دندرمه القينا نظره على المنيو الخاص بالريوق واستقرينا على جم طبق نجربهم
وصلت سلة الخبز اللي ريحته خنينه ويخبزونه خاص لفيراندا ومعاه نوعين من المربى والزبدهسيد الريوق عصير البرتقال
Oriental Breakfasr
ويتكون من الحلوم والفلافل والزيتون مع المخلل ولبنه بزعتر
الطبق الثاني اللي اخترناه وكان فعلاً لذيذ وهش وطيب اهو
Scrambled eggs Croissant
كرواسون مفتوحه وفيها بيض السكرامبلد مع قطع من الافوكادو وجبن الكممبير
بالنسبه لي شلت الافوكادو والجبن لأني مو ذاك الزود معاهم واستمتعت بالبيض الطيب
الطبق الاخير البان كيك العادي وكان طعمه جيد
Isabel Marant brings her French touch to H&M
H&M is proud to announce its autumn collaboration with Parisian designer Isabel Marant. With her effortless style, Isabel Marant has created a widely influential and successful take on Paris chic. Mixing urban attitude, boho elegance and rock ‘n’ roll spirit, she delivers a genuine French allure. For H&M, Isabel Marant will create a wardrobe of must-have pieces inspired by her signature style. Available from November 14, 2013, in around 250 stores worldwide and online, the collection features clothing and accessories for women and teenagers. Isabel Marant will also, for the first time, create a collection for men.
ناطرين شهر 11 نشوف مجموعة ايزابيل مارانت بلمساتها الفرنسية في اج اند ام الكويت والعالم