اول مره اروح ( لولو هايبر ) القـرين

المكان حده حلوو وانصدمت بالترتيب الرائع بالماركت

بضايع غريبة عجيبة اول مره اشوفها .. وحبيت قسم الاجبان عندهم سكشن سلطات و فاكهه زاهبه تختارون اللي تبونه  

عصير رمان  .. حبيت العلبة

كب كيك يشوق

بيتزا على قلوب خاصة للفلنتاين ♥

برنقلز عوادة على عسل وزبدة

اول مرة اشوف كيك باسكن روبنز ينباع بالجمعيات

كلينكس للجنطة فيه منظرة .. سهالة يونس

كبت عنونووو للمواليد .. يشوق

اغراض العيد الوطني 🙂

بعد ماطلعنا قعدنا بهالمحل اللي يبيع العصاير والايس كريم .. وصارت لي قصة معاه

طلبت عصير رمان وكنت قارية بالمنيو انه سعره 750 فلس

عطاني طلبي ولا الرمان لونة خااااااااااابط اول مره اطلب عصير رمان هاللون !! وماي مايوووه اشكره زايدة ماي وسكت ماتحجيت

شوفوو الصورة اكو عصير رمان هاللون !!! والطعم الله يزيد النعمة

المهم لما عطيته ال 750 ولا يقولي لا دينار .. قلتله المكتوب 750 يقولي بس انا عطيتج الكبير !!! انا ماتكلمت ماقلتلك ابي كبير قالي ولا قلتي صغير

قلتله مو مشكلتي وانا ما احب احد يستغفلني ورمانك الله يزيد النعمه الحين باخذة اقطه بالزبالة مكرم السامع ماينشرب

لما شاف جذي خاف وسكت ومشيت طبعا

بس حبيت انبهكم لأن ما احب احد يستغفل الاوادم :/