حضرت اليوم افتتاح السوفت لانش لمطعم بلانيت هوليوود الكويت في مجمع اولمبيا في السالمية
لما كنت امر بالشارع مقابل المطعم كنت اعتقد ان المطعم بس بهالمساحه المدورة الصغيرة بس اليوم اكتشفت ان هذي المساحه الدائرية ما هي الا تغطية لسلالم تؤدي الى سرداب مجمع اولمبيا حيث مطعم بلانيت هوليوود يغطي مساحه كبيرة منه 
مدخل بلانيت هوليوود
القعده الخارجية
ككل افرع مطعم بلانيت هوليوود بالعالم .. وجود بعض الاغراض الخاصة بالافلام مثل الموترسيكل والملابس وغيرها
طبعات ايدي نجوم هوليوود ببرواز جميل متغير الالوان 
الجرسون الخاص فينا وايد حبوب وذو وجه مبتسم اسمه مات 
المنيوو
نقطة لصالح المطعم استخدامة نوعين من المنيوات احداها باللغه الانجليزية والاخرى بالعربية 
بعد ماطلبنا وفي فترة الانتظار شفنا الصحفي المخضرم فؤاد الهاشم .. طلبنا تصويرة ووافق بدون تردد ماقصر 🙂
طلبنا كان قليل لأني ريجيم 🙁 وما معاي الا اختي
كولا لايت لأختي
عصير برتقال فريش لي .. وايد استانست ان العصير كان باااااااااارد على عكس وايد مطاعم عصير البرتقال عندهم جدا حار وماينفع معاه الثلج
طلبت بيني باستا برادورو .. وايد لذيذة حبيتها
اختي طلبت بيتزا بابروني كليت منها قرمة صج ناطعه وحااااارة
الفرايز كان لذيذ بعد بس شوية حجمه كبير يبيلة يصغرونة شوي 
نفس كل مطاعم بلانيت هوليوود .. وجود قسم لبيع التذكارات مثل التيشيرتات والكبابيس والبروشات والقلاصات والميداليات وغيرها
احب ايمع تذكاراتهم خذيت بروش وميدالية ومغناطيس لثلاجتي 🙂
في الاخير احب اشكر مدير المطعم السيد / خالد مصطفى على ترحيبة فينا ورقي تعامله مشاء الله عليه
واحب ابلغكم بأن افتتاح المطعم سيكون هذا الخميس 24/3/2011
Planet Hollywood Kuwait Site
